Yohanes 5:29 - Taaz Weru Witu u Nunuwu'en Tombulu

²⁹ Wo ni séra é mondol im witu um woso linewengan ni séra. Sé tou nimangunomé a lé'os é matou sumaup i makailek ung katou-touan makaz ing kauré-uré, taan sé nimangunomé a léwo'an é matou sumaup i makailek un ukuman.

Yohanes 5:29 ပူးပေါင်းရင်းမြစ်များ

Lukas 14:14

Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”

Kisah Rasul-rasul 24:15

Ni aku kasii én tanu ni séra i mahéré' uman wia si Opo Empung in tumou sumaup péléng sé tou nimaté, ni séra in tou ulit kaapa zéi'kan.

1 Timutius 6:18

Ipapagenangla wia ni séra wo séra mahwangunla am wangun, mawa'ilan wana am wangun, paaz mahsawang wo paaz mahtambér.

Ibrani 10:27

Sa téntu, ni kita én akazokan i ma'ento' un ukuman makaindé'en wo u layasna un api totoz wuaya u luma'ung makaz i maapu péléng sé tou mahsaru si Opo Empung.

Ibrani 13:16

Tia' kamu maliuz i mangun a lé'os wo mahsawangla wia sé léwo'zéi' i sawangan, pahpaan am wangun pahlé'osenta wo a sasawangta wia sé tou é raragésta wia si Opo Empung. Si Opo Empung én totoz paaz a raragés tanu niitu.

1 Petrus 3:11

Ni sia é léwo'zéi' in tumula'umola a léwo'an wo mahwangunla a lé'os. Ni sia kasii é léwo'zéi' i mahtututu'la makaz i makailek u mahlé'o-lé'osan.