Yohanes 5:10 - Taaz Weru Witu u Nunuwu'en Tombulu

¹⁰ Pahpaano niitu sé tonaas né tou Yahudi kimuama wia si tou taré malé'osa itii, “In tarékan én endo Sabat, ni ko én zéi'kan toro ménét un tepéhmu.”

Yohanes 5:10 ပူးပေါင်းရင်းမြစ်များ

Matius 12:10

Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.

Markus 2:24

A sé tou im wia sé sana réwok tou Farisi kumuama wia si Yesus, “Ilekena! Kaa séra memua-muali an zéi'kan toro pahmualin witu un endo Sabat?”

Markus 3:4

A Sia kumuala wia sé tou witu, “Wisa un toro wangunen witu un endo Sabat? Mangun u lé'os kaapa u léwo'? Tumulung si tou wo menou-nou kaapa munu' si tou?” Taan ni séra é memene-menes uman.

Lukas 13:14

Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”

Lukas 23:56

Mawurima séra a mamimek um pengingisu' wia sé nimatémo wo u lana mahwou tariis in iisu' witu un awak ni Yesus. In endo Sabat, ni séra éng kimana' i mahpaayang pahpaan kumiit an tinotoz witu un ukum Torat.

Lukas 6:2

Taan wéwéhan sé woopira im wia sé sana réwok tou Farisi é mahkua, “Kaa kamu mahwangun an zéi'kan toro pahwangunen witu un endo Sabat?”

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 5:11

Taan ni séra ém winingkotnala, “Si Tou limé'osomé ni aku si kimuamé wia ni aku: Wénétenoma un tepéhmu wo lumampangoma.”

Yohanes 5:15

Si tou itii mondola a masumirita wia sé tonaas né tou Yahudi i si Yesus si limé'osa ni sia.

Yohanes 5:16

Niitumo, sé tonaas né tou Yahudi mahtututu' in zumézéha si Yesus, pahpaan si tou itii liné'os-Na in endo Sabat.

Yohanes 7:23

In tarékan sa si tou toro sunaten im witu un endo Sabat, wo ni kamu zéi'kan mahsaru un ukum ni Musa, kaa kamu maupi' i ni Aku limé'osa u saki witu péléng un awak ni tou im witu un endo Sabat?

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.