Yohanes 4:7 - Taaz Weru Witu u Nunuwu'en Tombulu

⁷ A méyé si wéwéné tou Samaria mésumahap zano. Si Yesus kumuala wia si wéwéné itii, “Wéhanpé'mé zano elepen Aku.”

Yohanes 4:7 ပူးပေါင်းရင်းမြစ်များ

Matius 10:42

Séi uman si méhéma un elepen, zozo' in zano zaté uman wia si esaané im wia sé tou kanaramen kenu pahpaan sia mahkii-kiit ni Aku, uli-ulit ikua-Kuma: Ni sia én zéi'kan kaliongan um wawaér wia ni sia!”

Yohanes 19:28

Tumondong niitu, pahpaan ing kata'uano ni Yesus im péléng am paayangen-Na é simampetola, wo u méipantik witu um Pinantik Lenas malekep, ni Sia kimua, “Ni Aku é maré'o!”

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Yohanes 4:6

Im witu ém wéwéhan um parigi um pahkuan parigi Yakub. Si Yesus én totozo marawoi pahpaan i limapang, niitumo Sia rimumezla witu un tembir um parigi itii. In toro niitu ém woo jam mapulu' wo zua.

Yohanes 4:8

In toro niitu sé pahtuzu'en-Na é nimangémo witi wanua tua'na in tumeles ang kakanen.