Yohanes 3:2 - Taaz Weru Witu u Nunuwu'en Tombulu

² Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 3:2 ပူးပေါင်းရင်းမြစ်များ

Matius 22:16

An iatu nérama sé woopira pahtuzu'en néra wo sé woopira tou mahkii-kiit si kolano Herodes mangé wia si Yesus i lumigau, “Méster, kata'uan nai, ni Ko én zéi'kan mahtowo wo ulit i mahtuzu' u lalan ni Opo Empung. Wo zéi'kan siapa sé ikaindé'-Mu pahpaan ni Ko zéi'kan mahsanaweka.

Matius 23:7

Ni séra ém paaz pahsigi'en né tou im wana am pasar wo paaz im pahtawahen né tou ‘méster’.

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Markus 12:14

Ni séra é niméyé wia ni Sia ang kumua, “Méster, kata'uan nai, ni Ko én zéi'kan mahtowo wo zéi'kan siapa sé ikaindé'-Mu, pahpaan ni Ko én zéi'kan mahsanaweka wo ulit i mahtuzu' u lalan ni Opo Empung. Mengiit an tinotoz witu um pa'émanenta, toro wé i maér am pajak wia si Kaisar kaapa zéi'kan? Apa ni kai é léwo'zéi' i maér am pajak kaapa zéi'kan?”

Yohanes 1:38

Taan si Yesus é liméngéma muri. I nimilek-Nama ni séra é mahkiité ni Sia, ang kuan-Na wia ni séra, “Apa um penéron niou?” Ang kuan néra wia ni Sia, “Méster, wisa um pahento'an-Nu?”

Yohanes 10:38

Taan sa ni Aku nimangun niitu wo ni kamu soo ma'éman wia ni Aku, pa'émanenola am pinaayang-Ku itii, wo ni kamu toro mata'u wo makatulap i si Ama' é nimaesa karia-Ku wo ni Aku é nimaesa karia si Ama'.”

Yohanes 12:37

Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia,

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 15:24

Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku.

Yohanes 2:11

Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 20:16

Kuan ni Yesus wia ni sia, “Maria!” A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.

Yohanes 3:26

Ni séra niméyé wia si Yohanes ang kumua, “Méster, si nimahwali-walimé karia ni méster im witi leweta u so'so'an Yordan si méipahsiritamumé wia ni kai tumoro a niilekmu wia ni Sia, ni Sia kangkasii é mahsarani sé tou wo péléng sé tou é mahangé wia ni Sia.”

Yohanes 4:31

Karegas niitu sé pahtuzu'en-Na é mahtawah ni Sia, “Méster, méyémo kuman.”

Yohanes 5:36

Taan un tinalinga wo u niilek-Ku é lumouspé'mé u méikua ni Yohanes Menanarani un tinalingana wo u niilekna tumoro ni Aku. An tumuzu'mé itii ém péléng am paayangen méiwéhémé ni Ama' wia ni Aku im paayangeng-Ku. Am paayangen itii kangkasii ém pahpaayangeng-Ku in tarékan, niitumo an tumuzu'mé i ni Aku é méiatumé ni Ama'.

Yohanes 6:2

Lakez sé tou mahkiit ni Sia, pahpaan ni séra nimilek a makakompo'en pahwangunen-Na wia sé tou saki.

Yohanes 7:31

Taan im wia sé tou lakez itii lakez sé ma'éman wia ni Sia wo mahkua, “I si Kristus méyé, apa Sia toro mangun a makakompo'en lumakezpé'mé a makakompo'en winangun ni Tou kenu?”

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

Filipi 1:14

Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.