Yohanes 2:11 - Taaz Weru Witu u Nunuwu'en Tombulu

¹¹ Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 2:11 ပူးပေါင်းရင်းမြစ်များ

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 1:43

Masandonamé si Yesus timotozla i mangé witi Galilea. Im wana ni Sia é nimahilekan karia ni Filipus, a si Yesus kumuala wia ni sia, “Méyémo, kumiitomé ni Aku!”

Yohanes 1:50

A si Yesus kumuama, “Apa pahpaan ni Aku ing kimuala, ‘Ni Aku nimilek ni ko simuut witu ung kai ara’, ang ko ma'éman? Ni ko é mamilek a mamuali a lumouspé'mé niitu.”

Yohanes 10:41

Lakez sé tou mahéyé wia ni Sia a mahkua, “Zéi'kan siapa zozo' in esa a makakompo'en winangunla ni Yohanes Menanarani, taan péléng a méipahkuamola ni Yohanes tumoro si tou kenu én ulit.”

Yohanes 11:15

taan ni Aku é mahpaa-paaz pahpaan ni Aku én zéi'kan witu in toro niitu. Niitu ém wangun wia ni kamu, wo ni kamu toro ma'éman. Méyémo kita mangé wia ni sia in tarékan.”

Yohanes 11:47

A sé tonaas né walian wo sé sana réwok tou Farisi tumawahmé sé tou méikauntep witu u Mahkama Agama i maréwok wo ni séra é mahkua, “Si Tou itii é nimanguno lakez makakompo'en, niitumo apa u léwo'zéi' im wangunenta?

Yohanes 12:18

Niitumo lakez sé tou masimungkul ni Sia, pahpaan ni séra timalinga i ni Sia si nimangun u makakompo'en itii.

Yohanes 12:37

Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia,

Yohanes 12:41

Ung kenu é méikua ni Yesaya, pahpaan ni sia é nimileko ung kawangko'an ni Yesus wo kimuamo tumoro ni Sia.

Yohanes 14:13

Wo apa uman um pahaléien niou mengiité u ngaran-Ku, niitu ém wanguneng-Ku, wo si Ama' pahloozen wo pahsigi'en mengiité si Oki'.

Yohanes 16:27

si Ama' in esa é rumaraaté ni kamu, pahpaan ni kamu é rimaraatémola ni Aku wo ma'éman i ni Aku ém wia si Opo Empung a méyé.

Yohanes 16:30

In tarékan kata'uan naimo i si Méster é mata'umo péléng am péléng wo sé tou én zéi'mo totoz meligau wia si Méster. Niitumo ni kai é ma'éman i si Méster ém wia si Opo Empung a méyé.”

Yohanes 2:1

Im witu un endo katelu, witi Kana um witi Galilea ém wéwéhan pésta kawéng wo si ina' ni Yesus ém witu.

Yohanes 2:23

I si Yesus witi Yerusalem i lumé'os un endo mahpésta né tou Yahudi um pahkuan Paskah, lakez sé tou ma'éman ni Sia pahpaan ni séra é nimileko a makakompo'en am winangun-Na.

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 4:3

A Sia mondolé im witi Yudea a mawurima sumaup witi Galilea.

Yohanes 4:46

A si Yesus mawurima witi Kana um witi Galilea. I makasa si Yesus é nimanguné un zano maéndo anggor im witu. Im witi Kapernaum ung karétékan ung Kana ém wéwéhan si mahpaayang witi istana, si oki'na tuama é saki.

Yohanes 4:54

Niitu u makakompo'en kazua um winangun ni Yesus witi Galilea i ni Sia nimawurimé im witi Yudea.

Yohanes 5:23

Niitu ém winangun ni Ama' wo péléng sé tou é mahsigi' si Oki' tanu ni séra i mahsigi' si Ama'. Si tou zéi'kan mahsigi' si Oki', ni sia kangkasii én zéi'kan mahsigi' si Ama' si nimatumé si Oki'.

Yohanes 6:14

I niilekla né tou itii u makakompo'en winangunla ni Yesus, ni séra mahkua, “Ni Sia én uli-ulit Nabi si méitaaz ni Opo Empung i méyé wia ung kaayahan kenu.”

Yohanes 6:2

Lakez sé tou mahkiit ni Sia, pahpaan ni séra nimilek a makakompo'en pahwangunen-Na wia sé tou saki.

Yohanes 6:26

A si Yesus mingkotla, “Uli-ulit ikua-Kuma wia ni kamu, ni kamu é menéro-néro ni Aku zéi'kan pahpaan ni kamu nimilekola a makakompo'en am winangun-Kumola, taan pahpaan ni kamu éng kimano u roti itii makaz nimawesuh.

Yohanes 6:30

Niitumo ni séra mahkua wia ni Sia, “Apa u makakompo'en um wangunen-Nu un toro ileken nai, wo kai ma'éman wia ni Ko? Apa um paayangen-Nu?

Yohanes 7:31

Taan im wia sé tou lakez itii lakez sé ma'éman wia ni Sia wo mahkua, “I si Kristus méyé, apa Sia toro mangun a makakompo'en lumakezpé'mé a makakompo'en winangun ni Tou kenu?”

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.

2 Korintus 3:18

Ni kita péléng sé ma'éman, zéi'mo siapa u nimapé' um pakahgena-genangta. Niitumo, ni kita én toro milek ung kawangko'an ni Mahpiara, ni kita én tanu u lélénoan u sumena'ma ung kawangko'an ni Mahpiara. Si Mahpiara sekezé é mahweru ung katou-touanta makaz ni kita kauréna éng kasena'na i mahsena'ma u sena' ni Mahpiara. Ni Sia si nimangun ni kita nimaténtu, ni Siamo si Roh Lenas.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

1 Yohanes 5:13

Péléng niana én ipantikkuma an iwéhéma wia ni kamu, wo kamu sé ma'éman witu u ngaran ni Oki' ni Opo Empung é mata'ula i ni kamu é makailek ung katou-touan makaz ing kauré-uré.