Yohanes 18:1 - Taaz Weru Witu u Nunuwu'en Tombulu

¹ Kumawusa si Yesus i mengaléi, ni Sia karia né pahtuzu'en-Na nimangé witi leweta u so'so'an Kidron. Im witu ém wéwéhan un uma, a si Yesus wo sé pahtuzu'en-Na muntepa witu un uma itii.

Yohanes 18:1 ပူးပေါင်းရင်းမြစ်များ

Matius 26:30

Makakantarla ang kakantaren lolooz, a si Yesus wo sé pahtuzu'en-Na mangé witi Kentur Zaitun.

Matius 26:36

Tumondong niitu, si Yesus wo sé pahtuzu'en-Na ikaayola witi tampa makangaran Getsemani. Ang kuan ni Yesus wia ni séra, “Rumumezola wia'i, karegas ni Aku i mamengaléi witi kenuma.”

Markus 14:26

Tumondongla niitu a séra kumantar ung kakantaren lolooz, a séra mangé witi kentur Zaitun.

Markus 14:32

A si Yesus karia né pahtuzu'en-Na ikaayola witi tampa makangaran Getsemani. Ang kuan ni Yesus wia ni séra, “Rumumezola wia'i karegas ni Aku i mamengaléi.”

Markus 14:42

Rumendaiomé! Méyémo kita mangémo. Ilekna, si tou mayo ni Aku é merétémomé.”

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 18:26

Ni sia éng kimélong umanla, kuana, “Zéi'kan.” Si esaané wia sé ata ni Walian Wangko', si katuari ni ata kinetorané ni Petrus u lunteng kumua, “Zéi'kankuaa ni ko kangkasii é niilekumé witi uma itii mahkari-karia ni Sia?”

Kisah Rasul-rasul 21:11

Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”