Yohanes 13:36 - Taaz Weru Witu u Nunuwu'en Tombulu

³⁶ Si Simon Petrus kimuala wia si Yesus, “Tuang, wisa un angéan-Nu wé?” Kuan ni Yesus, “Ni ko én zéi'kan mata'u kumiit i mangé witi tampa angéang-Ku in tarékan. Taan in tumondong ni ko é makumiit ni Aku.”

Yohanes 13:36 ပူးပေါင်းရင်းမြစ်များ

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Yohanes 16:17

In timalingamé niitu, sé woopira pahtuzu'en-Na mahliligauan, “Apa ung kalakoana ing kimuamé, ‘Zéi'mo mauréma ni kamu én zéi'mo milek ni Aku wo zéi'mo mauré kasiima ni kamu é mileko ni Aku sumaup?’ Wo apa kasii ung kalakoan, ‘Ni Aku é mangémo wia si Ama'?’ ”

Yohanes 16:5

Taan in tarékan ni Aku é mangémo wia ni Sia si nimatumé ni Aku. Wo zéi'kan siapa zozo' in esa im wia ni kamu si meligau, ‘Wisa un angéan-Nu?’

2 Petrus 1:14

Pahpaan kata'uangkumo i ni aku én zéi'mo mauréma tumula'umo ung kaayahan kenu, tanu u méipapata'uma ni Yesus Kristus, si Mahpiarata.