Yohanes 12:2 - Taaz Weru Witu u Nunuwu'en Tombulu

² Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus.

Yohanes 12:2 ပူးပေါင်းရင်းမြစ်များ

Matius 26:6

I si Yesus witi Betania, witi walé ni Simon si i makasa én tinoro ung kusta,

Markus 14:3

I si Yesus witi Betania, ni Sia é rimumez mahkan witi walé ni Simon si i makasa én tinoro ung kusta. Karegas niitu a méyé si wéwéné esa mahali-ali um wotel pualam am wangunen, un tinahu'an u lana narwastu un totoz mahal. In tinarazola ni wéwéné itii u rawisna um wotel itii, an iwuwu'nala u lana itii witu un ulu ni Yesus.

Lukas 12:37

Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Lukas 14:12

Kumawusa niitu, si Yesus numuwu'ma wia si makawalé si kimua ni Sia, “Sa ko mangun pésta ang kumua sé tou i mékuman mahwali-wali, endo kaapa wengi, tia' ko mahkukua sé kalomu kaapa sé sana awumu kaapa sé katuarimu kaapa sé karétému sé wa'ilan. Pahpaan ni séra kasii éng kumua ni ko i mékuman mahwali-wali karia néra. Kuramo ko ing kimuamé ni séra, téntu kangkasii ni séra ing kumua ni ko.

Lukas 22:27

Pahpaan séi wé si totoz wangko', si rimumez mahkan kaapa si mahselewir? Zéi'kankuaa si rimumez mahkan? Taan ni Aku ém witu un unez niou mahselewir ni kamu.

Lukas 5:29

Tumondong niitu, a si Lewi mangunla um pésta selah witi waléna, pahpaan si Yesus. Lakez sé menanagi am pajak wo sé tou walina kiman mahwali-wali karia ni Yesus.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.