Yohanes 1:7 - Taaz Weru Witu u Nunuwu'en Tombulu

⁷ Ni sia i niméyé é mékumua a niilek wo an tinalingana tumoro u sena' itii, wo péléng sé timalingama a méikuana é ma'éman u sena' itii.

Yohanes 1:7 ပူးပေါင်းရင်းမြစ်များ

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 1:15

Si Yohanes Menanarani éng kimua a niilekna tumoro ni Sia karia i mahkérét, “Kelamo Sia si paza'ingkula i ni aku mahkua wia ni kamu: Wéwéhan si méyé tumondongé ni aku. Ni Siapé' si pahpuu-puuna taan ni aku pahpaan ni Sia ém wiamo puunala ni aku i nimatou.”

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 1:36

I ni sia mileka si Yesus lumangkoi, ang kuana, “Ilekena si Anak ni Domba ni Opo Empung!”

Yohanes 1:9

Un uli-ulit sena' u mahsena' wia péléng sé tou é mahéyémo wia ung kaayahan.

Kisah Rasul-rasul 19:4

Ang kuan ni Paulus wia ni séra, “Si Yohanes i mahsarani sé tou én tumuzu'mé i sé tou én timula'umola a singkéla' néra. Ni sia kangkasii éng kimua wia sé tou lakez i ni séra é léwo'zéi' i ma'éman wia si Tou si méyé tumondongé ni sia. Si Tou itii é makangaran Yesus.”

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

1 Timutius 2:4

Kapaaz-Na péléng sé tou én ipilot im witu un ukuman itii wo mata'u an tutuzu' ulit.

Titus 2:11

Pahpaan si Opo Empung é nimapailekoma ung kamang méitambér-Na i nimilot péléng sé tou im witu un ukuman wana a singkéla'.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.