Yohanes 1:11 - Taaz Weru Witu u Nunuwu'en Tombulu

¹¹ Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 1:11 ပူးပေါင်းရင်းမြစ်များ

Matius 15:24

A si Yesus mingkotla, “Ni Aku i méiatumé ni Opo Empung én akaz uman mésumawang sé tou Israel sé mémoikalulu, tanu sé domba mémoikalulu.”

Lukas 19:14

Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’

Yohanes 1:10

Taan un ulitna u sena' itii ém wiamo ung kaayahan kenu wo ung kaayahan kenu ém winangun mengiité ni Sia, taan péléng sé tou wia ung kaayahan kenu zéi'kan mata'u ni Sia.

Yohanes 1:12

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Yohanes 19:27

Tumondong niitu Sia kumuama wia si pahtuzu'en-Na, “Kenumo si ina'mu!” Rengané in toro niitu si ina' ni Yesus é méipahwalima witi walé ni pahtuzu'en-Na itii.

Yohanes 3:32

Ni Sia é mahkua tumoro a niilek-Na wo an tinalinga-Na. Taan zozo' in esa, zéi'kan siapa si tou ma'éman an ipahkua-Na.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Kisah Rasul-rasul 21:6

Kumawusa niitu, kai tumuzu'la wia ni séra a sumakéma witu u londéi tua'na. A séra péléng mawurima wana am walé néra.

Roma 15:8

Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

Roma 9:1

Un ikuakuma én ulit pahpaan ni aku én anumo ni Kristus, ni aku én zéi'kan mahtowo. Karia ung genang lé'osku um pahahkiten ni Roh Lenas, ni aku éng kumuama u nuwu'ku itii én ulit.

Roma 9:5

Ni séra é suzu né nimaopota. Si Mesias in tou é nimatoumé wia sé nimaopota wo ni Sia é mahkawasa wana péléng am péléng. Ni Siamo si Opo Empung si léwo'zéi' im pahloozen makaz ing kauré-uré. Amin!

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.