Yohanes 1:10 - Taaz Weru Witu u Nunuwu'en Tombulu

¹⁰ Taan un ulitna u sena' itii ém wiamo ung kaayahan kenu wo ung kaayahan kenu ém winangun mengiité ni Sia, taan péléng sé tou wia ung kaayahan kenu zéi'kan mata'u ni Sia.

Yohanes 1:10 ပူးပေါင်းရင်းမြစ်များ

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 1:3

Peléng am péléng ém winangun ni Opo Empung mengiité u Nuwu' ni Opo Empung. Wo zéi'kan siapa zozo' in esa im wia péléng am winanguno kenu ém winangun sa zéi'kan siapa u Nuwu' ni Opo Empung.

Yohanes 1:5

U sena' itii é mahsena' witu u rimbengbeng wo u rimbengbeng itii én zéi'kan kimawasa u sena' itii.

Yohanes 17:25

O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 5:17

Taan ni Sia kimuala wia ni séra, “Si Ama'-Ku é mahpaayang makaz in tarékan, téntu kangkasii ni Aku é mahpaayang.”

Kisah Rasul-rasul 14:17

Taan, ni Sia én zéi'kan nimaliuz i nimapailek un tou-Na karia i mahwangun a lé'os. Ni Sia si mahtumpamé un uzan witi langit wo mahwéhémé un oras i mahupu' wia ni kamu. Ni Sia si mahwéhémé am pahkanen niou wo mahwangun an até niou mahpaa-paaz.”

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Korintus 2:8

Zéi'kan siapa im wia sé mahkawasa wia ung kaayahan kenu sé mata'u ung katulapan ni Opo Empung itii. Pahpaan sa kata'uan néramo ung katulapan itii, si Yesus Mahpiara si pahloozen wo pahsigi'en én zéi'kan sinalip néra.

1 Korintus 8:6

taan im wia ni kita: si Opo Empung én esa uman, ni Siamo si Ama'ta. Ni Sia si nimangun péléng am péléng wo pahpaan ni Sia kita menou-nou. Si Mahpiara én esa uman, ni Sia é si Yesus Kristus. Pahpaano ni Sia am wangunen péléng am péléng, pahpaano ni Sia ni kita én toro menou-nou.

Kolose 1:16

Pahpaan si Yesus nimaesa karia ni Opo Empung am wangunen péléng am witi kasendukan wo am wia ang kaayahan, ang kaile-ilekan wo an zéi'kan kaile-ilekan, a rurumezan né kolano wo ung kakolanoan, téntu kangkasii sé roh mahkakawasa wo mahpeperénta. Péléng niana ém winangun ni Opo Empung mengiité si Kristus wo méiwéhé wia ni Sia.

Ibrani 11:3

Pahpaan i ma'éman, ni kita é makatulap ung kaayahan ém winangun mengiité u Nuwu' ni Opo Empung. Niitumo, péléng am pahilekenta ém winanguné im wana an zéi'kan kailekan.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.