Wahyu 8:1 - Taaz Weru Witu u Nunuwu'en Tombulu

¹ I si Anak ni Domba nimukama u segel kapitu, toro niitukan, um witi kasendukan é nimapenesa woo teluna pulu' menit.

Wahyu 8:1 ပူးပေါင်းရင်းမြစ်များ

Matius 27:66

A séra mangé witi lelewengan wo karia a sasawang né mahtéiz itii, u lelewengan itii é sinegel néramé wo tinéizan.

Wahyu 5:1

An ilekengkuma ni Sia si rimumez witu u rurumezan ni Kolano itii. Witu u lengen-Na kakan ém wéwéhan ung kitap ginulung. Ung kitap itii ém pinantikan zua masaru, winéhan um pitu segel.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 6:12

An ilekengku kasiima si Anak ni Domba itii i nimukama u segel kaenem. A méhzo'mé totoz repet wo si endo é nimazemdem tanu u roko' zemdem wo si loloho'en é nimarangdang tanumokan un zaha'.

Wahyu 6:3

I si Anak ni Domba itii mukama u segel kazua, an talingangkumé si tumou-tou kazua éng kimuamé, “Méyémo!”

Wahyu 6:5

I si Anak ni Domba itii mukama u segel katelu, talingangkumé si tumou-tou katelu kimuamé, “Méyémo!” Ilekengkuma si kawalo zemdem wo si tou simaké wia si kawalo itii én timion un timbangan.

Wahyu 6:7

I si Anak ni Domba itii mukama u segel kaepat, talingangkumé si tumou-tou kaepat kimuamé, “Méyémo!”

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.