Wahyu 7:4 - Taaz Weru Witu u Nunuwu'en Tombulu

⁴ An talingangkumé ung kalakez né tou tinandaan wana an tungtung néra é sana atus epatna pulu' wo epatna riwu tou, sé péléng uman wia sé suzu ni Israel a méyé.

Wahyu 7:4 ပူးပေါင်းရင်းမြစ်များ

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Lukas 14:22

Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Roma 9:27

Si nabi Yesaya éng kimuama karia i rimez tumoro sé tou Israel, “Zozo' ung kalakez né tou Israel én tanumokan an eris witi tasik, taan toyo' uman sé ipilot im witu un ukuman wana a singkéla'.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

Wahyu 14:1

An ilekengkuma si Anak ni Domba rimendai witi kentur Sion wo sé memali-mali karia-Na é sé sana atus epatna pulu' wo epatna riwu tou-Na. Im wana an tungtung né tou itii ém pinantikan u ngaran-Na wo u ngaran ni Ama'-Na.

Wahyu 14:3

Ni séra é mahkantar ung kakantaren weru witu u sinaru u rurumezan ni Kolano wo witu u sinaru né epat tumou-tou wo né pahtutu'an itii. Zéi'kan siapa zozo' in esa si toro mahtata'u ung kakantaren itii, akaz uman sé sana atus epatna pulu' wo epatna riwu tou sé tinubus im wia ung kaayahan sé toro mahtata'u niitu.

Wahyu 7:5

Wia sé suzu ni Yehuda é mapulu' wo zuana riwu tou sé winéhan tanda, wia sé suzu ni Ruben é mapulu' wo zuana riwu tou, wia sé suzu ni Gad é mapulu' wo zuana riwu tou,

Wahyu 9:16

Wo un tinalingakumé, ung kalakez né suraro sé menaké kawalo itii én zuana atus yuta.