Wahyu 5:4 - Taaz Weru Witu u Nunuwu'en Tombulu

⁴ Un atéku én totoz rumara a ni aku mamé', pahpaan zéi'kan siapa zozo' in esa si wangun i muka ung kitap ginulung itii kaapa milek a méipantik witu.

Wahyu 5:4 ပူးပေါင်းရင်းမြစ်များ

Wahyu 4:1

Kumawusa niitu, ilekengkuma um pepenet witi kasendukan nimawukama. An talingangkumé u nuwu' totoz rimez masuat wo un zanina um pontuang un im puuna én tinalingakumo. U nuwu' itii éng kimuamé wia ni aku, “Menékomé wia'i! Ni ko ém papailekang-Ku a léwo'zéi' mamuali in tumondongé kenu.”

Wahyu 5:3

Taan zéi'kan siapa si toro muka ung kitap ginulung itii, kaapa milek a méipantik witu, zozo' ni séra ém witi kasendukan, wia ung kaayahan kaapa witi lalem un tana' a méyé.

Wahyu 5:5

A si esaané im wia sé zuana pulu' wo epat pahtutu'an itii kumuamé wia ni aku, in téntii, “Ni ko én tia'mo mahamé'. Wéhanla genang lumé'o-lé'os, si pahkuan i Singa wia sé suzu ni Yehuda, si suzu ni Daud éng kimalamoma sé kakoro'-Na. Niitumo ni Sia toro muka am pitu segel wo ung kitap ginulung itii.”