Wahyu 3:20 - Taaz Weru Witu u Nunuwu'en Tombulu

²⁰ Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.

Wahyu 3:20 ပူးပေါင်းရင်းမြစ်များ

Matius 24:33

Téntu kangkasii, sa péléng a méikua-Ku ém pahileken niouola, kata'uan nioula sa un oras si Oki' ni Tou i méyé é lelezo, tanumokan witumo ung kauntepané.

Lukas 17:8

Tantu én zéi'kan, taantaré wia si ata itii éng kuaan niou: Imekenomé ung kanenengku. Mimekla ko wo selewirené ni aku akaz ni aku makakanla wo makaelepla. Sa ni aku nimakaapumola wo taré ko toro kuman wo melep.

Yohanes 10:3

Si menénéiz um pepenet um pahpiaraan sé domba é muka um pepenet wia si memimiara sé domba wo sé domba é mahkii-kiit u nuwu'na i ni sia mahtawah u ngaran néra si esa wo si esa wo mahwali ni séra i mondolé.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”