Wahyu 22:20 - Taaz Weru Witu u Nunuwu'en Tombulu

²⁰ Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:20 ပူးပေါင်းရင်းမြစ်များ

Yohanes 21:25

Lakezpé' kasii am paayangen walina am winangun ni Yesus. Taan sa niana péléng ipakapantika, ung kaayahan kenu én zéi'kan awes i lumé'os péléng ang kitap un totoz im pantiken itii.

1 Korintus 16:22

Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Ibrani 10:37

Pahpaan witu um Pinantik Lenas é méipantik téntii, “Zéi'mo uré, si méyé itii é méyémo, ni Sia i méyé én zéi'kan ikaurémé.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 1:2

Si Yohanes é mahkua péléng a niilek wo an tinalingana tumoro a Nuwu' ni Opo Empung wo péléng a mémoipapailek ni Yesus Kristus, a niileknamo.

Wahyu 2:16

Niitumo, tia'mo mahwangun an téntu! Sa zéi'kan, ni Aku é rengan i méyé wia ni kamu wo sumaru ni séra karia um pisou u nimondolé witu u sumah-Ku kenu.

Wahyu 22:10

Ang kuana kasii wia ni aku, “Tia'mo pahsesegelennu a nuwu' ni Opo Empung méipantik witu ung kitap kenu, pahpaan un oras niana péléng i mamuali é lelezokan.

Wahyu 22:12

Ang kuan ni Yesus, “Ni Aku én uli-ulit zéi'mo uré é méyémo wo ni Aku i méyé é mahalimé um wawaér in iwaér wia si esa wo si esa, mengiité am pinahlé'osnamé.

Wahyu 22:18

Ni aku Yohanes éng kumuama a niilek wo tinalingaku wia sé tou sé mahtalinga a nuwu' ni Opo Empung a méipantik witu ung kitap kenu, “Sa wéwéhan si tou mawesla apa uman wana a méipantik witu ung kitap kenu, si tou itii én awesan ni Opo Empung a meléwo' a méipantik witu ung kitap kenu.

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”