Wahyu 21:16 - Taaz Weru Witu u Nunuwu'en Tombulu

¹⁶ Um wanua tua'na itii én epat zuhuna, masuat ung kalambo' wo ung kalempazna. Um wanua tua'na itii é niukura ni malaekat itii karia un ipahukur. Ung kalambo'na é mapulu' wo zuana riwu stadia, um woo zuana riwu wo epatna atus kilometer, téntu kangkasii ung kalempaz wo ung karakékna.

Wahyu 21:16 ပူးပေါင်းရင်းမြစ်များ

Wahyu 21:15

Si malaekat nimahnuwu'mé wia ni aku, ni sia ém wéwéhan un teken ipahukur u mas am wangunen. Un ipahukur itii ém pahukur um wanua tua'na itii karia am pepenet tua'na wo u ri'riz makaliklik um wanua tua'na itii.

Wahyu 21:17

Kumawusa niitu, an ukurena kasiima u ri'riz makaliklikna. U ri'riz itii é sana atus epatna pulu' wo epat hasta, um woo enemna pulu' meter, mengiit un ipahukur né malaekat, u masuat karia um ipahukur né tou.