Wahyu 21:15 - Taaz Weru Witu u Nunuwu'en Tombulu

¹⁵ Si malaekat nimahnuwu'mé wia ni aku, ni sia ém wéwéhan un teken ipahukur u mas am wangunen. Un ipahukur itii ém pahukur um wanua tua'na itii karia am pepenet tua'na wo u ri'riz makaliklik um wanua tua'na itii.

Wahyu 21:15 ပူးပေါင်းရင်းမြစ်များ

Wahyu 21:12

U ri'riz makaliklik um wanua tua'na itii én tua'na wo rakék. Am pepenetna é mapulu' wo zua, wo im wana am wawo am pepenetna én tata'saan malaekat mahtéiz. Wo wana am wawo am pepenetna ém pinantikan a ngaran né mapulu' wo zua suzu ni Israel.

Wahyu 21:16

Um wanua tua'na itii én epat zuhuna, masuat ung kalambo' wo ung kalempazna. Um wanua tua'na itii é niukura ni malaekat itii karia un ipahukur. Ung kalambo'na é mapulu' wo zuana riwu stadia, um woo zuana riwu wo epatna atus kilometer, téntu kangkasii ung kalempaz wo ung karakékna.

Wahyu 21:21

U mapulu' wo zua pepenet tua'na itii é mapulu' wo zua mutiara am wangunen, un esa wo un esa é mutiara esa am wangunen wo a lalan witu um wanua tua'na itii é mas nahas am wangunen, léno tanumokan kaléno ung kaca.

Wahyu 21:25

Am pepenet tua'na um wanua tua'na itii én zéi'kan pahpeneten kauré un endo, pahpaan im wana én zéi'mo siapa wengi.