Wahyu 2:4 - Taaz Weru Witu u Nunuwu'en Tombulu

⁴ Taan zozo' in téntu, wéwéhan ung kasoo-Ku wia ni kamu. Pahpaan, u raraatéan niou én zéi'mo tanu u raraatéan niou im puuna in taré ma'émanla wia ni Aku.

Wahyu 2:4 ပူးပေါင်းရင်းမြစ်များ

Matius 25:7

Kaitalingamé niitu, sé raraha mapulu' itii é rengan in timoozé a séra mimekla a solo néra.

Filipi 1:9

Ung kenumo um pengaléiengku wia si Opo Empung tumoro ni kamu, mengalé-ngaléi uman u raraatéan niou wia sé tou walina éng kalakezna wo ung kata'uan karia ung katulapan niou é malake-lakez im wana am péléng.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

Wahyu 2:14

Taan wéwéhan ang kasoo-Ku wia ni kamu: Sé woopira im wia ni kamu é mahkiit an tutuzu' ni Bileam, si mahtuzu' si Balak i mahlululu sé tou Israel ing kuman ang kakanen a mémoiragés wia sé opo-opo wo mahsamek.

Wahyu 2:20

Taan zozo' in téntu, wéwéhan ung kasoo-Ku wia ni kamu, pahpaan méiwaya niou uman si wéwéné makangaran Izebel, si mahkua-kua i nabi, ni sia é mahtuzu' wo mahlululu uman sé ata-Ku i sumamek wo kuman ang kakanen mémoiragés wia sé opo-opo.