Wahyu 2:14 - Taaz Weru Witu u Nunuwu'en Tombulu

¹⁴ Taan wéwéhan ang kasoo-Ku wia ni kamu: Sé woopira im wia ni kamu é mahkiit an tutuzu' ni Bileam, si mahtuzu' si Balak i mahlululu sé tou Israel ing kuman ang kakanen a mémoiragés wia sé opo-opo wo mahsamek.

Wahyu 2:14 ပူးပေါင်းရင်းမြစ်များ

Matius 18:7

Ikaléwo'la ung kaayahan kenu pahpaan lakez an toro mangun sé tou i mahsingkéla'. Ulit sa niana é léwo'zéi' mamuali wia ung kaayahan, taan ikaléwo'la si tou mahmuali niitu!

Kisah Rasul-rasul 15:29

Ni kamu én zéi'kan toro mahkan ang kakanen mémoiragés wia sé opo-opo, zéi'kan toro mahseza' sé binatang nimaté ing kinezangan wo un zaha'. Ni kamu kasii én zéi'kan toro mahsamek. Sa ni kamu zéi'kan mahwangun niana péléng, ni kamu é nimangunola am wangun. Téntupé' um pinantik nai kenu, sigi' nai.”

Kisah Rasul-rasul 21:25

Taan tumoro sé tou walina sé zéi'kan Yahudi sé ma'émano, ni kai é niméhémoma am pinantik tumoro an tinotoz naila. An tinotoz itii én téntii: ni séra én zéi'kan toro mahkan ang kakanen mémoiragés wia sé opo-opo, zéi'kan toro mahseza' a lé'ona né binatang nimaté ing kinezangan wo un zaha'. Ni séra kasii én zéi'kan toro mahsamek.”

Roma 11:9

Si Daud kangkasii éng kimua, “Mengalé-ngaléi uman am pésta néra é maéndo wetes wo tataan, watu pahkasangkilan wo ukuman wia ni séra.

Roma 14:13

Niitumo, tia'mo kita mahtototozampé' kasii ulit kaapa zéi'kan am pahwangunen! Taan, tawimo kita mahtututu'la in zéi'kan mangun si katuari esa pa'émanen maéndo zéi'kan enté' kaapa mahwangun a singkéla'.

Roma 14:21

Tawimo in zéi'kan mahkan lé'ona kaapa mahelep anggor, kaapa mangun am walina an toro mangun si katuari esa pa'émanen i sumingkéla'.

Roma 9:32

Kaa ni séra zéi'kan makawawa? Pahpaan i ni séra mahtututu' in éndon ulit witu u sinaru ni Opo Empung, zéi'kan pahpaan um pa'émanen néra, taan mengiit uman um pahwangunen néra in esa. Niitu én tanumokan ni séra é méikasangkil wana am watu pahkasangkilan,

1 Korintus 1:23

Taan ni kai é mahwoka' i si Kristus é nimaté sinalip. Un ipahwoka' nai kenu éng kasoo né tou Yahudi pahpaan mahwangun un até néra i rumara, wo im wia sé tou zéi'kan Yahudi niitu ém pahkuan néra ing kalemouan.

1 Korintus 7:2

taan wo zéi'kan mangun u samek, tawimo si tuama ém wéwéhan mahayo, téntu kangkasii si wéwéné ém wéwéhan mahayo.

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

1 Petrus 2:8

Ni séra ém pahkasangkil wia ni Sia pahpaan zéi'kan mahtalinga u Nuwu' ni Opo Empung. Téntu un tinotozo ni Opo Empung i mamuali wia ni séra.

2 Petrus 2:15

Pahpaan ni séra én timula'umola u lalan kaulitan, ni séra é méikalulumo. Ni séra é mahkiit um pahmualin ni Bileam, oki' ni Beor, si paaz im pahwaéran i mahmuali a singkéla'.

Yudas 1:11

Ikaléwo'la séra pahpaan ni séra éng kimiit um pinahmualimé ni Kain wo ni séra éng kimiit si Bileam si nimahlulumé sé tou pahpaan im pahwaéran. Ni séra kasii én ikaléwo' pahpaan mahsaru si Opo Empung tanu si Korah.

Wahyu 2:20

Taan zozo' in téntu, wéwéhan ung kasoo-Ku wia ni kamu, pahpaan méiwaya niou uman si wéwéné makangaran Izebel, si mahkua-kua i nabi, ni sia é mahtuzu' wo mahlululu uman sé ata-Ku i sumamek wo kuman ang kakanen mémoiragés wia sé opo-opo.

Wahyu 2:4

Taan zozo' in téntu, wéwéhan ung kasoo-Ku wia ni kamu. Pahpaan, u raraatéan niou én zéi'mo tanu u raraatéan niou im puuna in taré ma'émanla wia ni Aku.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.