Wahyu 18:9 - Taaz Weru Witu u Nunuwu'en Tombulu

⁹ Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.

Wahyu 18:9 ပူးပေါင်းရင်းမြစ်များ

1 Timutius 5:11

Taan sé wéwéné mahesa-esamokan zéi'kampé' tahlous tu'a, tia'pé' ipahrékén i makailek a sasawang. Pahpaan sa mawiamé u lelo néra wia sé tuama, ni séra én tumula'u si Kristus wo paazo kawéngen sumaup.

Wahyu 14:11

Un teremuzna un api mahzézéha ni séra é mahlintooza makaz ing kauré-uré, wo endo wengi ni séra én zéi'kan mazéi' im pahzézéhan. Ni séra é sé mahongkot wo mahsigi' si binatang makaindé'en itii karia ni patongna, wo kasii sé nimakaileko tanda u ngaranna.”

Wahyu 17:2

Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 18:18

Wo ni séra é mahkérét i nimileka an teremuzna un api a mahla'unga um wanua tua'na itii, in téntii, “Wanua tua'na wisa un ipahkua-kua tanu um wanua tua'na itii?”

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’

Wahyu 19:3

Wo ing kazua ni séra é mahkuamé, “Haleluya! An teremuzna an api lima'unga um wanua tua'na itii é mahlintooza makaz ing kauré-uré!”

Wahyu 2:22

Gena-genangen! Si wéwéné itii én ukumeng-Ku karia u saki takaz ni sia memitu-mitumokan kokolo'an. Wo sé tou mahsamek kariana én ilombo'-Ku witu un zézéha totoz wutez, sa séra zéi'kan tumula'ula am pahwangunen néra karia ni wéwéné itii.