Wahyu 18:16 - Taaz Weru Witu u Nunuwu'en Tombulu

¹⁶ wo mahkua, “Méikaléwo'mo, méikaléwo'mo um wanua tua'na pahkua-kua ung kimarai a roko' lenan totoz wangun, a roko' monong mahal wo kasii a roko' totoz rangdang wo pinerong karia a mas, am watu totoz mahal wo a mutiara,

Wahyu 18:16 ပူးပေါင်းရင်းမြစ်များ

Wahyu 17:3

A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.

Wahyu 17:4

Si wéwéné itii éng kimarai u roko' monong wo totoz rangdang. Ni sia ém pinerong a mas, am watu totoz mahal wo a mutiara. Witu u lengenna ém wéwéhan un eelepan mas am wangunen, u mawuta-wuta a léwo'an wo a makati'tiren pahpaan ung kasamekanna.

Wahyu 18:18

Wo ni séra é mahkérét i nimileka an teremuzna un api a mahla'unga um wanua tua'na itii, in téntii, “Wanua tua'na wisa un ipahkua-kua tanu um wanua tua'na itii?”

Wahyu 18:19

An ulu néra ém pahwuzwuzan néra an awu, un tumuzu'mé un até néra é rumara wo mahamé' karia i mahkérét, “Méikaléwo'mo, um wanua tua'na Babel é méikaléwo'mo. Sé tou wéwéhan a londéi tua'na witi wanua tua'na Babel é nimawa'ilano pahpaan an ipahwangkér néra é mahal, pahpaan witu sana jam uman um wanua tua'na Babel itii éng kemumo.”