Wahyu 16:15 - Taaz Weru Witu u Nunuwu'en Tombulu

¹⁵ “Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 16:15 ပူးပေါင်းရင်းမြစ်များ

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Matius 26:41

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Markus 14:38

Tuméga-tégam wo mengaléila wo ni kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Kisah Rasul-rasul 20:31

Niitumo ni kamu é léwo'zéi' in tuméga-tégam. Gena-genangen, teluna ta'un ung kauréna endo wo wengi ni aku zéi'kan mazéi' i mahsésa wia ni kamu si esa wo si esa karia im pahlué'an.

2 Korintus 5:3

Niitumo, kapaazta sa matéma é makailek un awak weru wo si rohta zéi'kan kailekan in zéi'kan siapa awak.

1 Tesalonika 5:4

Taan ni kamu, katuari-katuari, ni kamu én zéi'kan menou-nou witu ung karimbengbengan, taka-takazan i méyé un endo itii, ni kamu én zéi'kan mengompo' tanu si tou rinemu'an,

1 Tesalonika 5:6

Pahpaano niitu, ni kita én zéi'kan toro meneke-nekel uman tanu sé tou walina. Ni kita én totoz i mile-ilek wo tuméga-tégam.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 3:11

Zéi'mo uré ni Aku é méyémo! Tio-tionan am wiamo ni kamu, wo zéi'kan siapa sé méndo ung kukulu un tanumokan poporongen ni kolano u méiwéhé-Ku wia ni kamu.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.