Wahyu 14:13 - Taaz Weru Witu u Nunuwu'en Tombulu

¹³ An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”

Wahyu 14:13 ပူးပေါင်းရင်းမြစ်များ

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 16:9

Ikua-Kuma wia ni kamu, ung kawa'ilanan niou wia ung kaayahan én ipahsawangla sé tou wo malakezé sé kakaria niou. Sa ung kawa'ilanan niou maapuma, lakez sé sumungkulé ni kamu witi pahwéha-wéhan niou makaz ing kauré-uré.

Roma 14:8

Sa kita menou-nou, ni kita é menou-nou wia si Mahpiara, wo sa kita maté, ni kita maté wia si Mahpiara. Niitumo, ni kita i menou-nou kaapa i nimaté, ni kita én anu ni Mahpiara.

1 Korintus 15:18

Sa si Kristus zéi'kan méitoumé sumaup ni Opo Empung, ung kalakoana sé tou ma'éman wia si Kristus i matéma én ukumen pahpaan a singkéla' néra.

1 Korintus 15:20

Un ulitna, si Kristus é méitoumé sumaup ni Opo Empung im wia sé nimaté. Ni Sia si kataré méitoumé sumaup im wia sé nimaté, niitumo ni Sia én tanu um wua'na kataré im wana an tinanem.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

2 Korintus 5:8

Taan un até nai én enté', wo ung kapaaz nai én tumula'uma un awak wia ung kaayahan kenu wo lamahwali-wali karia ni Mahpiara witi kasendukan.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

1 Tesalonika 4:14

Ni kita é ma'éman i si Yesus é nimatémo wo méitoumomé sumaup ni Opo Empung im wia sé nimaté. Niitumo pa'émanenta kangkasii i sé tou ma'éman wia si Yesus wo nimatémo én itou sumaup ni Opo Empung im wia sé nimaté wo mahwali-wali karia-Na.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

1 Tesalonika 5:10

Si Yesus nimatémo pahpaan ni kita, wo zozo' ni kita nimatémo kaapa menou-noupé', ni kita én toro menou-nou karia-Na.

1 Timutius 5:24

A singkéla' né woopira tou én totozo kaile-ilekan puunala in tinotoz ulit kaapa zéi'kan am pinahwangun néramé. Taan a singkéla' né tou walina éng kata'uanokala i ni séra tinotozola.

1 Timutius 5:25

Téntu kangkasii si tou mangunla a lé'os, am winangunna itii é rengan ing kailekan. Wo zozo' a lé'os am pinahwanguné zéi'kan tahlous kailekan, am winanguné itii én zéi'kan mamuali im pemuni-muni.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 10:4

I nimakanuwu'momé un erut pitu itii, ipahpapantikkumo a méikuamé un erut itii, taan talingangkumé um witi kasendukan éng kimuamé, “Tia'mo ipahpapantikmu itu! Totoz in iwunimula an ipahkuamé an erut pitu itii.”

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 16:17

Si malaekat kapitu mamuwu'mé witi wentangan a méitahu' witu un eelepan um wia ni sia. An talingané im witu u rurumezan ni Kolano um witi untep um Walé ni Opo Empung, kimuamé, “Nimakazola.”

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”

Wahyu 20:6

Mahpaa-paazola sé kataré-taré méitoumé sumaup ni Opo Empung. Ni séramo sé linenas-Na. Ni séra én zéi'mo mendan um patéan kazua taan ni séra é maéndo walian ni Opo Empung wo ni Kristus, wo ni séra é merénta ing kolano karia-Na witu u sana riwu ta'un.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 22:17

A si Roh ni Opo Empung wo si wéwéné kawéngen itii kumuamé, “Méyémo!” Wo séi uman si tumalingama niitu, iwayamola sia ing kumuala “Méyémo!” Wo séi si maré'o, iwayamola sia i méyé, wo séi si paaz melep, iwayamola sia i maméndomé un zano mahwéhémé ung katou-touan u méitambér umané.

Wahyu 6:11

Péléng sé roh itii é nimakailek tata'saan ung karai tonton kulo'. Wo wia ni séra éng kuaan ing kumana'pé'la oki' makaz ung kalakez né kapaayang wo né katuari esa pa'émanen néra, sé winunu' tanu ni séra malekep.