Wahyu 1:13 - Taaz Weru Witu u Nunuwu'en Tombulu

¹³ Wo witu un unez am pahto'tolan a solo itii ém wéwéhan si tou rimendai, tanumokan si Oki' ni Tou. Ni Sia éng kimarai ung karai tonton, ung kalambo'na é nimakaz witu un tu'miz-Na, wo um wezwez-Na é rinikezan um pahsaléléng u mas am wangunen.

Wahyu 1:13 ပူးပေါင်းရင်းမြစ်များ

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

Wahyu 14:14

An ilekengkuma u ninahak kulo', wo witu um wawo u ninahak itii é rimumez si tou tanumokan si Oki' ni Tou. Witu un ulu-Na ém wéwéhan um poporongen ni kolano u mas am wangunen, wo u lengen-Na én timion um pahagi' pengungupu' un totoz tewel.

Wahyu 15:6

A sé pitu malaekat sé wéwéhan ung kawasa i mangun am pitu meléwo' itii, mondolé im witu um Walé ni Opo Empung. Ni séra éng kimarai ang karai lenan kulo' weresi wo meto-petot, wo wana am wezwez néra é rinikezan um pahsaléléng mas am wangunen.

Wahyu 2:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Efesus in téntii: ‘Kenumo u Nuwu' um wia ni Sia a méyé, si timion sé pitu tototi'en karia u lengen-Na kakan wo mahlampang wana am pinaselat am pitu pahto'tolan solo a mas am wangunen a méipenoo-nooz.