Roma 9:1 - Taaz Weru Witu u Nunuwu'en Tombulu

¹ Un ikuakuma én ulit pahpaan ni aku én anumo ni Kristus, ni aku én zéi'kan mahtowo. Karia ung genang lé'osku um pahahkiten ni Roh Lenas, ni aku éng kumuama u nuwu'ku itii én ulit.

Roma 9:1 ပူးပေါင်းရင်းမြစ်များ

Roma 1:9

Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 2:15

Karia in téntu ni séra én tumuzu'mé sa un ukum Torat ém witumo un até néra. Niitumo ung genang lé'os néra mapata'umé tumoro ang kata'uan néra. Ni séra satorona é méipapahsasala' ang genang néra wo satorona niéndo ulit ang genang néra.

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

Roma 9:2

Un atéku én totoz rumara wo totoz pendis pahpaan sé katuariku tou Israel é soo ma'éman wia si Yesus.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 1:23

Si Opo Empung si mata'u ang ginenangku, kata'uan-Na i ni aku én zéi'kan nimangé wia ni kamu witi Korintus, pahpaan kasooku ni aku i mangé é mangun un até niou rumara.

2 Korintus 11:10

Im wia Akhaya kenu zéi'kan siapa si toro zuméi' un ipahloo-loozku i ni aku én zéi'kan kawisa i maéndo pengalin wia ni kamu. Pahpaan an tutuzu' ni Kristus an totoz ulit ém wiamo ni aku.

2 Korintus 11:31

Si Opo Empung, si Ama' ni Yesus, si Mahpiarata, kata'uan-Na ni aku én zéi'kan mahtowo. Pahloozela Sia makaz ing kauré-uré.

2 Korintus 12:19

Kaa kamu ém woo mahgenangla péléng am pinantik nai kenu é mahuulit un tou nai? Zéi'kan ndootuu! Katuari-katuari ikararaatéku, a mémoipahkua nai wia ni kamu én ulit im witu u sinaru ni Opo Empung. Ni kai i mahkua téntu pahpaan ni kai é mahkiit um paaz ni Yesus Kristus. Wo péléng a méipahkua nai wia ni kamu é maheenté' um pa'émanen niou.

Galatia 1:20

Witu u sinaru ni Opo Empung ni aku én uli-ulit kumuama: Péléng a méipantikuma wia ni kamu kenu én ulit wo ni aku én zéi'kan mahtowo.

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

1 Tesalonika 2:5

Pahpaan kata'uan niou i ni kai én zéi'kan kawisa i mahenou ni kamu karia a nunuwu'en tariis uman im pahtalingan wo zéi'kan kawisa i mahtuzu' ni kamu i menéro ung kauntungan karia i mahwuni-wuni. Si Opo Empung si mata'u péléng niitu.

1 Timutius 1:5

Ung kalakoan u sésésa itii, wo sé tou uli-ulit rumaraaté karia un até weresi, karia ung genang lé'os, wo uli-ulit ma'éman wia si Kristus.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

1 Timutius 5:21

Timotius, witu u saru-sarun ni Opo Empung wo ni Kristus Yesus karia né malaekat pinéléng-Na, uli-ulit pahaléiengkuma wia ni ko: totoz wéhanla genang an tutuzu' kaulitan a mémoituzu'ku wia ni ko karia in zéi'kan meméléng tou wo zéi'kan mahsanaweka.