Roma 7:18 - Taaz Weru Witu u Nunuwu'en Tombulu

¹⁸ Kata'uangku witu un touku, in tou uman, zéi'kan siapa um wangun. Pahpaan u lelo i mangun am wangun ém wia ni aku taan ni aku én zéi'kan makawawa i mangun niitu.

Roma 7:18 ပူးပေါင်းရင်းမြစ်များ

Matius 15:19

Pahpaan witu un até mahondolé péléng ang genang léwo', u mahwunu' tou, u mahmuali a sinéro' im pahmualin né zéi'kampé' kimawéng, u mahsamek, u mahremu', u mahkua an zéi'kan ulit tumoro a niilek wo an tinalingana, wo kasii u mahtawuruk.

Lukas 11:13

Niitumo, sa ni kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé si Roh Lenas wia sé tou mahaléi wia ni Sia.”

Yohanes 3:6

Si tou matoumé im wia si tou é mahkiit uman um paazna in tou uman, taan si tou si matoumé im wia si Roh ni Opo Empung, menou-nou mahkiit um paaz ni Roh ni Opo Empung.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 7:15

Pahpaan am pahwangunengku én zéi'kan kata'uangku. Zéi'kan ang kapaazku am pahwangunengku taan an ikazi'zisku am pahwangunengku.

Roma 7:19

Pahpaan am pahwangunengku zéi'kan am wangun ang kapaazku, taan a léwo'an ang kasooku, niitu am pahwangunengku.

Roma 7:25

Taan makasé wia si Opo Empung pahpaan si Yesus Kristus Mahpiarata!

Roma 7:5

Pahpaan im puuna ni kita i menou-nou é mahkiitpé' um paaz in tou uman, u lelo i mahwangun a léwo'an ung kimawasa witu un awakta. Kata'uanta niitu é singkéla' pahpaan sinéro' un ukum Torat. Pahpaan i mahwangun niitu ni kita makailek um patéan.

Galatia 5:17

Pahpaan u lelo un awak i mahwangun a léwo' é nimatamburian karia um paaz ni Roh Lenas wo um paaz ni Roh Lenas é nimatamburian karia u lelo un awak i mahwangun a léwo'. Un zua kenu é nimatamburian taka-takazan ni kamu sekezé én zéi'kan mahwangun ang kapaaz niou.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Filipi 2:13

Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.