Roma 6:3 - Taaz Weru Witu u Nunuwu'en Tombulu3 Zéi'kan kata'uan niou wé i ni kita péléng sé sinaranimo nimaesa karia ni Kristus Yesus, ni kita ém pinaesamo karia um patéan-Na? အခန်းကိုကြည့်ပါ။ |
Zéi'kan kata'uan niou wé, sa kamu méhéla un tou niou wia si tou i mahtali-talinga ni sia, ni kamu é nimaéndomola ata ni tou itii? Téntu kangkasii, zéi'kan kata'uan niou wé, sa kamu simingkéla', ni kamu é nimaéndo ata a singkéla' itii? Niitu u mangun ni kamu makailek um patéan. Sa kamu méhé un tou niou i mahtali-talinga si Opo Empung, ni kamu é niéndo-Na ulit.
Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,
Amoké wa'wa'en nioula un tou niou, wo kata'uan nioula sa ni kamu én uli-ulit ma'éman wia si Kristus kaapa zéi'kan. Pahtata'ula un até niou, ni kamu én uli-ulit mata'u i si Kristus Yesus ém witu un até niou kaapa zéi'kan! Pahpaan sa kamu zéi'kan uli-ulit mahkiit si Kristus, um pa'émanen niou én zéi'kan malekep im pema'wa'en.
Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.