Roma 4:2 - Taaz Weru Witu u Nunuwu'en Tombulu

² Pahpaan sa si Abraham é niéndo ulit pahpaan am pahwangunenna, ni sia ém wéwéhan un toro ipahloo-loozna taan zéi'kan mahloo-looz witu u sinaru ni Opo Empung.

Roma 4:2 ပူးပေါင်းရင်းမြစ်များ

Roma 15:17

Niitumo, pahpaan ni aku én nimaesamo karia ni Kristus, ni aku mahlolooz un touku tumoro um pahpaayangengku wia si Opo Empung.

1 Korintus 1:29

Niitu ém winangun ni Opo Empung wo zéi'kan siapa zozo' in esa uman si tou nimaloozan witu u sinaru-Na.

1 Korintus 1:31

Niitumo, um pahwangunenta é masuat wo u méipantik witu um Pinantik Lenas, in téntii, “Séi si mahloo-looz, tia' mahloo-looz un touna in esa, tawimo mahloo-loozla am winangun ni Opo Empung wia ni sia.”

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

1 Korintus 9:16

Pahpaan, sa ni aku mahwoka' u Nuwu' Lé'os tumoro si Kristus, ni aku én zéi'kan wangun i lumooz un touku. Ni aku é léwo'zéi' maayang niitu, pahpaan si Opo Empung si nimatu ni aku i mahwoka' u Nuwu' Lé'os itii wia sé tou. Totoz ikaléwo' aku, sa aku zéi'kan mahwoka' u Nuwu' Lé'os itii.

2 Korintus 11:12

Am pahwangunengku in tarékan én zéi'kan ikana'ku. Wo zéi'kan siapa un toro ipahwera-wera' né pahkuan niou in aatu itii, i mahlooz un tou néra wo mahkua am pinaayang néra én tanu am pinaayang nai.

2 Korintus 11:30

Sa ni aku mahlooz un touku, niitu un tumuzu'mé ni aku é mahlooz an zéi'kan enté' im wia ni aku.

2 Korintus 5:12

Tia' kamu mahgenangla ni kai makasapé' ing kumua niitu i mahlooz un tou nai. Taan ni kai é mahkua uman u lé'os um winangun nai wo ni kai toro pahloozen niou. Karia in téntu, ni kamu ém wéwéhan un iwingkot wia sé tou sé mahloo-looz am winangun néra an toro pahileken né tou, zéi'kan am witu ung genang lé'os néra.

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Efesus 2:9

Ni kamu méipiloté im witu un ukuman wana a singkéla' zéi'kan pahpaan um pinaayang niou, wo zéi'kan siapa si tou toro lumooz un touna in esa.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.