Roma 4:12 - Taaz Weru Witu u Nunuwu'en Tombulu

¹² Ni sia kasii é niéndo ama' né tou sinunat, sé zéi'kan uman sinunat, taan kangkasii pahpaan ni séra menou-nou karia i ma'éman wia si Opo Empung tanu um pa'émanen ni Abraham, si ama' né nimaopota, puunala sia i sinunat.

Roma 4:12 ပူးပေါင်းရင်းမြစ်များ

Matius 3:9

Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Roma 4:11

Si Abraham é sinunat in urémo ma'éman wia si Opo Empung wo u sunat itii é meterai i ni sia niéndo-Namo ulit in zéi'kampé' sinunat. Niitumo ni sia é niéndo ama' né tou ma'éman zozo' sé tou ma'éman itii zéi'kampé' sinunat wo ni séra niéndo ulit ni Opo Empung.

Roma 4:13

Si Opo Empung é niméhé un taaz wia si Abraham karia né suzuna i ni séra é makailek ung kaayahan. Ni Sia én timaaza un téntu, zéi'kan pahpaan si Abraham mahkiit un ukum Torat, taan niéndo ulit pahpaan um pa'émanenna wia si Opo Empung.

2 Korintus 12:18

Si Titus é méiatuku i mangé wia ni kamu. Ni aku kasii é nimatuma si katuari ma'éman walina i mangé kariana. Si Titus én zéi'kan kawisa timowo i ma'éndo an zoit niou. Ung ginenang wo um pahpaayangengku é masuat wo si Titus.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.