Roma 3:8 - Taaz Weru Witu u Nunuwu'en Tombulu

⁸ Kaa kita zéi'kan kumua, “Mémo kita mangun un zéi'kan wangun wo ikatuzu'mé um wangun?” Wéwéhan sé tou mahwuwuul u ngaranku i ni aku mahkua un téntu. Sé tou téntu ém wangun i makailek un ukuman ni Opo Empung.

Roma 3:8 ပူးပေါင်းရင်းမြစ်များ

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Roma 5:20

Si Opo Empung niméhémé un ukum Torat wo kata'uala né tou ing kalakeznamo a singkéla' né tou. Taan zozo' ing kalakezna a singkéla', ung kamang méitambér-Na kangkasii éng kalakezna.

Roma 6:1

Sa téntu, apa un ikuatama? Toro wé ni kita i memua-muali a singkéla', wo kalousna ung kamang tatambér ni Opo Empung itii?

Roma 6:15

Kura in tarékan? Toro wé kita mahsingkéla' pahpaan in zéi'mo pahata-atan un ukum Torat taan ung katou-touanta ém witumo ung kamang tatambér ni Opo Empung? Zéi'kan téntu!

Roma 7:7

Sa téntu, apapé' un ikuakuma? Singkéla' wé un ukum Torat? Zéi'kan! Taan pahpaan un ukum Torat itii ni aku toro mata'u u singkéla'. Pahpaan ni aku kangkasii zéi'kan mata'u apa u lelo i mangun a léwo'an sa zéi'kan méipantik witu ung kitap Torat, “Tia' lumelo an anu né tou walina!”

2 Korintus 11:15

Niitumo, tia' ikakompo' niou sa sé tou ni tonaas né sétang é mahasa-asar sé tou mahpaayang a méiatu ni Opo Empung im paayangen. Ing kamurian ni séra é makailek am wawaér mengiit an towo am pinaayang néramé.

2 Korintus 6:8

Ni kai ém pahsigi'en taan kasii pahséro'an, pahloozen taan kasii ipahsalou, pahkuan in tantowo taan un ulitna én zéi'kan tantowo.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.