Roma 3:10 - Taaz Weru Witu u Nunuwu'en Tombulu

¹⁰ Tanu u méipantik witu um Pinantik Lenas in téntii: “Zéi'kan siapa zozo' in esa si tou ulit.

Roma 3:10 ပူးပေါင်းရင်းမြစ်များ

Roma 3:23

Pahpaan péléng sé tou é simingkéla'mola wo zéi'mo wangun i makailek u lolooz wo sisigi'an ni Opo Empung.

Matius 15:19

Pahpaan witu un até mahondolé péléng ang genang léwo', u mahwunu' tou, u mahmuali a sinéro' im pahmualin né zéi'kampé' kimawéng, u mahsamek, u mahremu', u mahkua an zéi'kan ulit tumoro a niilek wo an tinalingana, wo kasii u mahtawuruk.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

Markus 10:18

A si Yesus mingkotla, “Kaa pahkuanu ni Aku é lé'os? Si Opo Empung uman si lé'os, zéi'kan siapa walina.

1 Petrus 1:16

Pahpaan im witu um Pinantik Lenas é méipantik in téntii, “Ung katou-touan niou é léwo'zéi' i lenas, pahpaan ni Aku kenu é lenas.”

Roma 3:4

Zéi'kan! Si Opo Empung é mangun péléng a méitaaz-Na zozo' péléng sé tou én tantowo. Pahpaan witu um Pinantik Lenas é méipantik: “Péléng a Nuwu'-Mu é mémoikatuzu'mé in ulit, wo sa ni Ko im pahtotozen ulit kaapa zéi'kan am pahwangunen, ni Ko é nimuntung.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Roma 11:8

Tanu u méipantik witu um Pinantik Lenas, “Si Opo Empung é mangun ni séra tanu nimatekel, winéhan weren taan zéi'kan makailek wo winéhan lunteng taan zéi'kan makatalinga, makaz in tarékan.”

Roma 3:11

Zéi'kan siapa zozo' in esa si tou mata'u un ulit. Zéi'kan siapa zozo' in esa si mahtututu' i menéro si Opo Empung.