Roma 2:8 - Taaz Weru Witu u Nunuwu'en Tombulu

⁸ Taan sé tou mahgenang uman un touna in esa wo zéi'kan mahkiit ung kaulitan taan mahkiit uman a léwo'an, ni séra én totoz ikaupi' ni Opo Empung.

Roma 2:8 ပူးပေါင်းရင်းမြစ်များ

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 10:16

Taan zéi'kan péléng sé tou é simungkul u Nuwu' Lé'os itii. Pahpaan si nabi Yesaya in esa éng kimua, “Mahpiara, séi si ma'éman an ipahwoka' nai?”

Roma 15:18

Pahpaan ni aku ém wuaya uman i numuwu' tumoro am pinaayango ni Kristus wia ni aku, i mangun sé tou zéi'kan Yahudi mahtali-talinga wia si Opo Empung. Ni aku é mangun niitu witu um pahnuwu'engku wo um pahwangunengku,

Roma 6:17

Ni aku é mapaayo u makasé wia si Opo Empung! Pahpaan im puuna ni kamu én ata a singkéla', taan in tarékan ni kamu én uli-ulit mahkiit an tutuzu' méiwéhémo wia ni kamu.

Roma 9:22

Téntu kangkasii um winangun ni Opo Empung. Ni sia éng gimenang i mapailek un upi'-Na wo mapailek ung kawasa-Na. Taan ni Sia én ezen im wia sé tou tinotoz-Namo i léwo'en pahpaan nimanguno ni Sia in totoz maupi'.

1 Korintus 11:16

Taan sa wéwéhan tou paaz mahéndo-éndoan tumoro a méikuakuma itii, ni kai wo sé jamaat ni Opo Empung é nimanaramo i mahwangun niitu, zéi'kan siapa an tinotoz walina.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

Galatia 5:20

mahongkot wo mahsigi' wia sé opo-opo, mahriara, lakez kakoro', tangkoro'en, téutéu, uupi'en, memandung uman un tou in esa, mangun sé tou makahkoro', mahwangun sé tou makayo',

Filipi 1:17

Taan sé mahtéutéu wo mahéndo-éndoan kariaku é mahwoka' tumoro si Kristus pahpaan i ma'éndo uman ung kauntungan néra in esa wo ung kalakoan an tutuzu' néra én zéi'kan wangun. Pahgenangen nérala, karia séra i mahwoka'ma tumoro si Kristus pahpaan uman i menéro ung kauntungan néra in esa, nimangun ni aku kalousna in zézéha wia um bui wo un atéku kalousna i masusa.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

2 Tesalonika 1:8

Ni Sia kasii in timumpamé é mémukum sé tou soo mata'u si Opo Empung wo soo mahkiit u Nuwu' Lé'os tumoro si Yesus, si Mahpiarata.

Titus 3:9

Taan tia' mahkii-kiit i mahzéi-zéi'an wana an zéi'kan siapa torona, mahzéi-zéi'an tumoro sé nimaopo, mahéndo-éndoan wo mahkoro' tumoro un ukum Torat. Pahpaan niana péléng én zéi'kan siapa torona wo za'i-za'i pelando-landoian.

Ibrani 10:27

Sa téntu, ni kita én akazokan i ma'ento' un ukuman makaindé'en wo u layasna un api totoz wuaya u luma'ung makaz i maapu péléng sé tou mahsaru si Opo Empung.

Ibrani 11:8

Pahpaan i ma'éman, si Abraham é mahtali-talinga un ipahkua ni Opo Empung wia ni sia. I ni sia tinawah i mangé witi tampa u maéndo anuna, ni sia nimangé zozo' in zéi'kampé' kata'uanna wisa un angéanna itii.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

Yakobus 3:16

Pahpaan wisa um wéwéhan un téutéu wo mahgenang uman un touna in esa, im witu kangkasii ém wéwéhan ung kayo' wo péléng a léwo' pahmualin.

1 Petrus 3:1

Téntu kangkasii isésakuma wia ni kamu sé wéwéné makamahayo, ni kamu é léwo'zéi' i mahtali-talinga wia si mahayo niou si esa wo si esa. Karia in téntu, sa wéwéhan si mahayo zéi'kan ma'éman, maan ni séra zéi'kan nuwu'an nioula, ni séra é ma'éman u Nuwu' ni Opo Empung pahpaan i mahileka am pahwangunen niou.

1 Petrus 4:17

Pahpaan in tarékan én orasnamo si Opo Empung in tumotoz ulit kaapa zéi'kan am pahwangunen né tou, wo sé kataré-taré totozen-Na é sé tou-Na in esa. Sa Sia in tumotoz éng kumataréma wia ni kita in tou-Na, kura rékén u mamuali wia sé tou soo ma'éman u Nuwu' Lé'os ni Opo Empung?

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.

Wahyu 16:19

A mapahteluma um wanua tua'na itii wo makemuma am wanua tua'na né tahsasana wanua sé zéi'kan mata'u si Opo Empung. A si Opo Empung ikagenanga um wanua tua'na Babel itii, i mangun sé witu um wanua tua'na itii melep un anggor pa'it méitahu' witu un eelepan u mawuta-wuta un upi'-Na.