Roma 2:5 - Taaz Weru Witu u Nunuwu'en Tombulu

⁵ Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

Roma 2:5 ပူးပေါင်းရင်းမြစ်များ

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 9:22

Téntu kangkasii um winangun ni Opo Empung. Ni sia éng gimenang i mapailek un upi'-Na wo mapailek ung kawasa-Na. Taan ni Sia én ezen im wia sé tou tinotoz-Namo i léwo'en pahpaan nimanguno ni Sia in totoz maupi'.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

2 Tesalonika 1:5

Niitu un tumuzu'mé i si Opo Empung én zéi'kan mahsanaweka i mahtotoz ulit kaapa zéi'kan am pahwangunen né tou. Ni kamu in tarékan én zézéha pahpaan mahtali-talinga wia si Opo Empung, niitumo ni Sia kimua i ni kamu ém wangun i muntep witi Kakolanoan-Na.

Ibrani 3:13

Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.

Ibrani 3:15

Witu um Pinantik Lenas é méipantik in téntii, “In endo kenu, sa kamu tumalinga u nuwu' ni Opo Empung tia' ipahketéh un até niou tanu sé nimaopo niou i mahsaru ni Aku.”

Ibrani 4:7

Pahpaano niitu tinotoz-Namo kasii un endo walina, niitumo un “endo kenu”. Wana an ta'un timondongé méikua ni Opo Empung mengiité si Daud witu um Pinantik Lenas in téntii, “Witu un endo kenu, sa kamu tumalinga u Nuwu' ni Opo Empung, tia' ipahketéh un até niou!”

Yakobus 5:3

A mas wo am péra' niou én tina'ingkéré'ano. An ta'ingkéré'na itii a mapailek ang kasumalaan niou wo luméwo' un tou niou tanu un api. Ni kamu é mahréwok uman a sangkum wia ung kaayahan wana an endo merétémoma ung kaakazan ung kaayahan.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

2 Petrus 3:7

Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 2:21

Si wéwéné itii ém winéhang-Kumoma oras in tumula'u am pahwangunenna itii, taan ni sia é soo tumula'u am pahwangunenna im wana ang kasamekanna itii.

Wahyu 6:17

Pahpaan méikaayomola witu un endo ni Opo Empung wo ni Anak ni Domba i mapailek un upi' néra wo zéi'kan siapa si makaezen i mengali niitu.