Roma 15:3 - Taaz Weru Witu u Nunuwu'en Tombulu

³ Pahpaan si Kristus kangkasii én zéi'kan uman menéro u mahpaa-paaz witu un tou-Na in esa, taan tanu u méipantik witu um Pinantik Lenas in téntii: “Péléng a séséro'an néra wia si Opo Empung, niana kangkasii én timoro ni Aku.”

Roma 15:3 ပူးပေါင်းရင်းမြစ်များ

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 26:39

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Matius 27:44

Sé tou léwo' méisalip karia-Na kangkasii é mahséro' tanu niitu wia ni Sia.

Yohanes 15:10

Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.

Yohanes 15:24

Sa ni Aku zéi'kan nimanguna a makakompo'en an zéi'kan winangunla né tou walina, tantumo ni séra én zéi'kan simingkéla'. Taan in tarékan, zozo' ni séra nimilekola niitu péléng, ni séra é mazi'zis ni Aku wo si Ama'-Ku.

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 8:29

Ni Sia, si nimatumé ni Aku é menaté-natér ni Aku. Zéi'kan iwaya-Na ni Aku i mengesa-ngesa, pahpaan ni Aku sekezé é mahwangun a mangun ni Sia mahpaa-paaz.”

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Filipi 2:5

Mahtututu'la wo ung genang niou én tanu ung genang ni Kristus Yesus.

Filipi 2:8

Ni Sia in tou uman, méiroros-Na un tou-Na wo mahtali-talinga wia si Opo Empung makaz i nimaté, ni Sia é nimaté witi salip.