Roma 13:2 - Taaz Weru Witu u Nunuwu'en Tombulu

² Niitumo, séi si mahsaru sé pemerénta, ni sia kangkasii é mahsaru an tinotoz ni Opo Empung, wo séi si mahwangun an téntu é mahalimé un ukuman wia ni sia.

Roma 13:2 ပူးပေါင်းရင်းမြစ်များ

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Markus 12:40

Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”

Lukas 20:47

Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”

Roma 13:1

Péléng sé tou é léwo'zéi' i mahtali-talingala wia sé pemerénta, pahpaan zéi'kan siapa pemerénta sé zéi'kan wia si Opo Empung a méyé wo péléng sé pemerénta én tinotoz ni Opo Empung.

Roma 13:3

Pahpaan, sa si tou nimangun u lé'os, ni sia én tia'mo maindé' wia sé pemerénta, taan maindé'la sa nimangunola a léwo'an. Paaz ko wé i menou-nou zéi'kan maindé' wia sé pemerénta? Mahwangunola a lé'os wo ni kamu makailek u lolooz né pemerénta.

Roma 13:5

Niitumo ni kita é léwo'zéi' mahtali-talingala sé pemerénta. Ni kita i mahtali-talinga sé pemerénta én zéi'kan uman pahpaan i maindé' ukumen, taan pahpaan mahtali-talinga ung genang lé'osta.

Roma 9:19

In tarékan, tantumo ém wéwéhan im wia ni kamu sé meligau wia ni aku, “Sa téntu, kaa si Opo Empung mapasala'pé' sé tou? Séi sé toro sumaru ung kapaaz ni Opo Empung?”

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.

Yakobus 3:1

Katuari-katuariku, im wia ni kamu én tia' wo lakez sé paaz maéndo méster, pahpaan kata'uan niou sa un ukuman wia ni kita i méster é lumousé un ukuman wia sé tou walina.

1 Petrus 2:13

Pahpaan si Mahpiara, ni kamu é léwo'zéi' i mahtalingala wo mahkiitla sé pemerénta sé winéhan kawasa, rengana wia si kolano si totoz mahkawasa,