Matius 9:38 - Taaz Weru Witu u Nunuwu'en Tombulu

³⁸ Niitumo, mahaléiola wia si makauma wo awesan-Namé tou i mémupu'.”

Matius 9:38 ပူးပေါင်းရင်းမြစ်များ

Matius 9:37

Ang kuan ni Yesus wia sé pahtuzu'en-Na, “An upu'en é lakez, taan sé mupu' én toyo' uman.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 4:35

Zéi'kankuaa ni kamu é mahkua in téntii, ‘Epatna loloho'enokan é mupu'mo.’ Taan ikua-Kuma wia ni kamu: ilekela u makaliklikmu wo werenala a méitanem wana an uma a meririhmo wo lutu'mo toromo upu'en.

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 8:4

Sé jamaat méikaserama pahpaan im pahzézéhan itii é mahliklik péléng un tana' itii karia i mahwoka' u Nuwu' Lé'os tumoro si Yesus.

1 Korintus 12:28

Wo wia ni kamu sé jamaat, sé woopira im wia ni kamu ém pinéléng ni Opo Empung i maéndo: kataré, sé tou niéndo aatu ni Yesus, kazua, sé tou niéndo nabi, katelu, sé tou niéndo méster mahtuzu' an tutuzu' ni Mahpiara, wéwéhan sé tou tinambéran u makawawa i mangun u makakompo'en, wéwéhan sé tou tinambéran u makawawa i lumé'os sé tou saki, wéwéhan sé tou tinambéran u makawawa i mahsawang sé tou walina, wéwéhan sé tou tinambéran u makawawa i maéndo tonaas, wo kasii wéwéhan sé tou tinambéran u makawawa i mahnuwu' karia a nunuwu'en walina un akaz uman si Roh Lenas si mata'u.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

2 Tesalonika 3:1

Ing kamurian katuari-katuari, pahaléien nai wia ni kamu im pahpengaléila kai. Ipengaléi nioula, wo u Nuwu' ni Mahpiara rewek ikawoka'ma wo sungkulen karia i mahpaa-paaz wo pahsigi'en, tanu u nimamualimo wia ni kamu.