Matius 9:34 - Taaz Weru Witu u Nunuwu'en Tombulu

³⁴ Taan sé tou wia sé sana réwok tou Farisi é mahkua, “Ni Sia é mahwoho sé sétang karia ung kawasa ni tonaas né sétang.”

Matius 9:34 ပူးပေါင်းရင်းမြစ်များ

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 11:18

Pahpaan si Yohanes i niméyé, ni sia zéi'kan mahkan wo zéi'kan mahelep wo ni sia ém pahkuan néra i sinelazan ni sétang.

Matius 12:22

An ipahwalimé né tou wia si Yesus si tou sinelazan ni sétang. Si tou itii é letok wo wowo'. A sia lé'osena ni Yesus makaz si tou itii én toromo mahilek wo mahnuwu'.

Matius 12:27

Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Markus 3:22

Sé tou tulap un Torat sé witi Yerusalem a méyé é mahkua, “Ni Sia é sinelazan ni Beelzebul! Karia ung kawasa ni tonaas né sétang ni Sia mahwoho sé sétang.”

Lukas 11:15

Taan im wia sé tou lakez itii ém wéwéhan sé mahkua, “Ni Sia mahwoho si sétang éng karia ung kawasa ni Beelzebul, si tonaas né sétang.”

Yohanes 3:20

Péléng sé tou mahwangun a léwo'an é mazi'zis u sena' itii. Ni séra é soo méyé witu u sena' itii, pahpaan u sena' itii é mangun a léwo'an pahwangunen néra kaile-ilekan.

Yohanes 7:20

Sé tou lakez itii nimingkotla, “Sinelazan katu' Ko! Séi si mahtututu' i munu' ni Ko?”