Matius 9:33 - Taaz Weru Witu u Nunuwu'en Tombulu

³³ I si Yesus nimohomoma si sétang wia si wowo' itii, a si wowo' itii toromo mahnuwu'. Sé tou nimaréwok witu é mengusi-ngusingsing a mahkua, “Un tanu ung kenu én zéi'kampé' pinahile-ilek naila wia Israel!”

Matius 9:33 ပူးပေါင်းရင်းမြစ်များ

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Matius 9:32

Karegas sé zua tou letok itii mahondolé, an iwalima né tou wia si Yesus si tou wowo' si sinelazan ni sétang.

Markus 2:12

Si tou itii rumendaié, rengan éndonamé um winuléngané ni sia a mondola witu u saru-sarun né tou lakez. Péléng sé tou é mengusi-ngusingsing, a séra mahsigi' wo mahlooz si Opo Empung, kuan néra, “Ni kai én zéi'kampé' kawisa nimilekla tanu a nimamuali kenu.”

Lukas 11:14

Makasamé si Yesus nimoho si sétang wia si tou si nimawowo' pahpaan sinelazan ni sétang. Kaiondolé ni sétang itii, si tou sinelazan itii én toromo mahnuwu'. Sé tou lakez i nimileka u nimamuali itii é mengusi-ngusingsing.

Lukas 7:9

In timalingamé u méikuamé ni tonaas né suraro itii, si Yesus é mengusi-ngusingsing pahpaan um pa'émanen ni tonaas né suraro itii én totoz wangko'. A si Yesus sumarula wia sé tou lakez sé kimiité ni Sia, ang kuan-Na, “Ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu!”