Matius 9:31 - Taaz Weru Witu u Nunuwu'en Tombulu

³¹ Taan ni séra nimondolé im witu um walé itii, an ipahwoka' nérama wana péléng an tampa witi tana' itii um winanguna ni Yesus.

Matius 9:31 ပူးပေါင်းရင်းမြစ်များ

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 28:15

Éndo nérama an zoit itii a mangun tanu a méikuama wia ni séra. U sirita kenu é méikaolanga wia sé tou Yahudi makaz in tarékan.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 9:26

An ikawoka'ma u nimamuali itii witi péléng un tana' itii.

Markus 1:28

A rengan in ikaserama u sirita tumoro ni Sia wana péléng an tampa witi Galilea.

Markus 7:36

Si Yesus é siméro'la sé tou witu, in tia'mo mahsisirita wia si séi uman u nimamualima itii. Taan kalousna séra im pahséro'en-Na, kazou'na uman taré ni séra i mahwoka' a nimamuali itii.

Lukas 4:14

A si Yesus mangé witi Galilea karia ung kawasa ni Roh Lenas. Tumoro ni Sia é méikawoka'moma wana péléng an tana' itii.

Lukas 4:37

An ikawoka'ma un tumoro ni Sia wana péléng an tana' itii.

Lukas 5:15

Taan u nuwu' tumoro si Yesus éng kazou'na im pahkawoka'ma, a sé tou lakez mahtotondongané méyé wia ni Sia in tumalinga ni Sia wo lumé'os a saki néra.

Lukas 7:17

An ikawoka'ma u sirita tumoro si Yesus witi Yudea wo wana an tampa walina.