Matius 9:30 - Taaz Weru Witu u Nunuwu'en Tombulu

³⁰ In toro niitukan ni séra én toromo mahilek. A séra totoz kuaala ni Yesus, “Tia' ipahkukua niou wia si séi uman tumoro u nimamualima kenu.”

Matius 9:30 ပူးပေါင်းရင်းမြစ်များ

Matius 12:16

Ni séra én totoz sinéro'-Nala in tia' ipahkua wia sé tou walina sa ni Sia é séi.

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 8:4

Ang kuan ni Yesus wia si tou itii, “Gena-genangen, tia' ipahkukuamu wia si séi uman kura ni ko i nimalé'osa, taan mangémo, papailekla un toumu wia si walian i ni ko é lé'oso. Wo iwéhéla u raragés tanu u méiperénta ni Musa, un tumuzu'mé wia ni séra i ni ko é lé'oso.”

Markus 1:43

Kumawusa niitu si Yesus é rengan i nimatuma si tou itii i mangémo karia in totoz mapagenagla wia si tou itii,

Markus 3:12

Taan ni séra én totoz sinéro'-Nala in tia' ipahkua wia sé tou walina sa séi Sia.

Markus 5:43

Ni séra én totoz sinéro'la ni Yesus, in zéi'kan toro ipengua-ngua wia si séi uman u nimamualima itii. A séra iatu-Nama i méhéla tikohon wia si kooki' itii.

Lukas 5:14

Si Yesus é siméro'la ni sia i mahkua wia si séi uman a nimamualima itii. A Sia kumua kasii, “Mangémo wia si walian wo papailekla wia ni sia i ni ko é lé'oso wo iwéhéla u raragés tanu u méiperénta ni Musa un tumuzu'mé wia ni séra i ni ko é lé'oso.”

Lukas 8:56

Sé tu'a ni kooki' itii én totoz mengusi-ngusingsing i nimilek u nimamuali. Taan ni séra é sinéro'la ni Yesus i sumirita a nimamuali itii wia sé tou.