Matius 9:28 - Taaz Weru Witu u Nunuwu'en Tombulu

²⁸ I si Yesus nimuntepoma witu um walé esa, sé tou letok itii niméyé wia ni Sia. Ang kuan ni Yesus wia ni séra, “Pa'émanen niou i ni Aku én toro lumé'os ni kamu?” A séra mingkotla, “Éné, ni kai ma'éman, Tuang.”

Matius 9:28 ပူးပေါင်းရင်းမြစ်များ

Matius 13:1

In endo itii, mondolé si Yesus witu um walé itii a marumumez witi tembir u louz.

Matius 13:36

Kumawusa niitu, an itula'umé ni Yesus sé tou lakez itii a mawurima witi walé. A méyé sé pahtuzu'en-Na ang kumuama, “Méster, ikuamé wia ni kai ung kalakoan un aandéan tumoro un tatanemen tanu ang gandum witi uma itii.”

Matius 13:58

Pahpaan ni séra zéi'kan ma'éman, zéi'kan lakez a makakompo'en winangun-Namé im witu.

Matius 8:14

A si Yesus mangé witi walé ni Petrus. Im witu, ileken-Nala si mahnuang wéwéné ni Petrus é meneke-nekelokan pahpaan im pasu'.

Matius 8:2

A méyé wia ni Sia si tou tinoro ung kusta. Si tou itii kimuruzla witu u sinaru-Na ang kumua, “Tuang, sa si Tuang paaz, si Tuang én toro lumé'osé ni aku.”

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Matius 9:27

I si Yesus timula'umomé un tampa itii, wéwéhan sé zua tou letok mahkiité ni Sia karia i mahkérété, “É suzu ni Daud! Iraraaté ndootuumé ni kai.”

Matius 9:29

An irasaka ni Yesus u lengen-Na wana am weren néra zua ang kuan-Na, “Mamualima tanu um pa'émanen niou.”

Yohanes 11:26

Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

Kisah Rasul-rasul 14:9

Ni sia é rimumez mahtalinga si Paulus i mahnuwu'. Si Paulus nimileka si tou itii ang kata'uannala i si tou itii é ma'éman wia si Yesus, niitumo ni sia én toro malé'os.