Matius 9:26 - Taaz Weru Witu u Nunuwu'en Tombulu

²⁶ An ikawoka'ma u nimamuali itii witi péléng un tana' itii.

Matius 9:26 ပူးပေါင်းရင်းမြစ်များ

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 9:31

Taan ni séra nimondolé im witu um walé itii, an ipahwoka' nérama wana péléng an tampa witi tana' itii um winanguna ni Yesus.

Markus 1:28

A rengan in ikaserama u sirita tumoro ni Sia wana péléng an tampa witi Galilea.

Markus 1:45

Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.

Markus 6:14

Si kolano Herodes kasii én timalingamola an tumoro si Yesus, pahpaan u ngaran ni Yesus én ipahkua-kuamo wo wéwéhan sé mahkua, “Si Yohanes Menanarani é méitoumomé sumaup im wia sé nimaté, niitumo ni Sia ém wéwéhan kawasa i mahwangun a makakompo'en.”

Lukas 4:14

A si Yesus mangé witi Galilea karia ung kawasa ni Roh Lenas. Tumoro ni Sia é méikawoka'moma wana péléng an tana' itii.

Lukas 4:37

An ikawoka'ma un tumoro ni Sia wana péléng an tana' itii.

Lukas 5:15

Taan u nuwu' tumoro si Yesus éng kazou'na im pahkawoka'ma, a sé tou lakez mahtotondongané méyé wia ni Sia in tumalinga ni Sia wo lumé'os a saki néra.

Lukas 7:17

An ikawoka'ma u sirita tumoro si Yesus witi Yudea wo wana an tampa walina.

Kisah Rasul-rasul 26:26

Niitu én totoz ing kata'uan ni kolano Agripa, pahpaano niitu ni aku én zéi'kan maindé' i makaulit mahkua wia ni sia. Totoz kata'uangku in zéi'kan siapa zozo' in esa wana a méikuaku un zéi'kan kata'uan ni kolano, pahpaan niitu péléng én zéi'kan nimamuali wana an tampa méikawuni.