Matius 9:14 - Taaz Weru Witu u Nunuwu'en Tombulu

¹⁴ Sé woopira im wia sé pahtuzu'en ni Yohanes Menanarani niméyé wia si Yesus a meligau wia ni Sia, “Kaa kai wo sé sana réwok tou Farisi é mahpuasa, taan sé pahtuzu'en-Nu én zéi'kan?”

Matius 9:14 ပူးပေါင်းရင်းမြစ်များ

Matius 11:2

I si Yohanes Menanarani witi bui, ni sia timalinga am pahpaayangen ni Kristus.

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 9:15

A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpengasi'? Taan un orasna é méyé, si brédégom in éndon im wia ni séra. In toro niitumo ni séra mahpuasa.

Yohanes 3:25

Sé woopira pahtuzu'en ni Yohanes Menanarani é mahéndo-éndoan karia ni tou Yahudi tumoro u mememeresi un tou mengiit ung kinanaram né tou Yahudi.

Yohanes 4:1

Si Yesus é nimata'umola i sé sana réwok tou Farisi én timalingamola i sé nimaéndo mahkii-kiit wo sé sinarani ni Yesus é lumouspé'mé ung kalakez né sinarani ni Yohanes Menanarani. (