Matius 8:29 - Taaz Weru Witu u Nunuwu'en Tombulu

²⁹ A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Matius 8:29 ပူးပေါင်းရင်းမြစ်များ

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Matius 8:30

Zéi'kan zou' im witu, wéwéhan sé wawi totoz lakez sé kare- gas i mengan.

Markus 1:24

“Yesus, tou Nazaret! Apa un éyé-Nu wia ni kai? Apa Ko i niméyé é méluméwo' ni kai? Ni Ko éng kata'uangku: Ni Komo si Lenas si wia si Opo Empung a méyé.”

Markus 3:11

Sekez sé tou sinelazan né sétang mileka si Yesus, ni séra é mongkot makaz witu un tana' witu u sinaru-Na wo mahkérét, “Ni Komo si Oki' ni Opo Empung!”

Markus 5:7

A si tou itii kumérété, “É Yesus, Oki' ni Opo Empung si Totoz Rakék! Apa um pemandungen-Nu wia ni aku? Karia u ngaran ni Opo Empung, pahaléiengku, tia' pahzézéhan aku!”

Lukas 4:34

“É Ko Yesus tou Nazaret, apa un éyé-Nu wia ni kai? Apa Ko niméyé i méluméwo' ni kai? Ni Ko éng kata'uangku, ni Komo si Lenas si wia si Opo Empung a méyé.”

Lukas 4:41

Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Lukas 8:28

Kaiileknama si Yesus, a sia mahkérét ang kumuruzla ung gio makaz witu un tana' witu u sinaru ni Yesus, ang kuana karia i rimimeza, “É Yesus, Oki' ni Opo Empung si Totoz Rakék! Apa un éyé-Nu wia ni aku? Pahaléiengku wia ni Ko, tia'mo zumézéha ni aku.”

Yohanes 2:4

A si Yesus mingkotla, “Ma', kaa ko kimuamé téntu wia ni Aku? Zéi'kampé' orasna ni Aku mapata'u séi ni Aku.”

Kisah Rasul-rasul 16:17

Ni sia mahipusé wia si Paulus wo ni kai karia i mahkérét, “Sé tou kenumo sé ata ni Opo Empung Si Totoz Rakék. Ni séra é mahwoka' wia ni kita kura wo toro ipilot im witu un ukuman wana a singkéla'.”

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.