Matius 8:23 - Taaz Weru Witu u Nunuwu'en Tombulu

²³ A si Yesus karia né pahtuzu'en-Na sumakéma londéi.

Matius 8:23 ပူးပေါင်းရင်းမြစ်များ

Matius 8:24

Kumompo'mé a méyé u reges totoz repet. U reges itii nimangun u louz mahsempa' taka-takazan u londéi itii ém pahuntepenoma un zano. Taan in toro niitu si Yesus én timekel.

Matius 9:1

Kumawusa niitu, si Yesus karia né pahtuzu'en-Na sumakéma witu u londéi a lumewet u louz. Tumondong niitu, a Sia ikaayola witi wanua tua'na pahwéha-wéhan-Na.

Markus 4:35

Im wengindomo, kuan ni Yesus wia sé pahtuzu'en-Na, “Méyémo kita lumeweto.”

Lukas 7:22

A séra wingkotela ni Yesus, “Mangémo wo maikuala wia si Yohanes an tinalinga wo a niilek niou: sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé tou nimatémo é méitoumomé sumaup, wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.”