Matius 8:20 - Taaz Weru Witu u Nunuwu'en Tombulu

²⁰ Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Matius 8:20 ပူးပေါင်းရင်းမြစ်များ

Matius 12:32

Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 12:8

Pahpaan si Oki' ni Tou ém wéwéhan kawasa in tumotoz un toro wangunen né tou witu un endo Sabat.”

Matius 13:37

Ang kuan ni Yesus wia ni séra, “Si tou kimeroz am watuna tatanemen wangun é si Oki' ni Tou.

Matius 16:13

I si Yesus méikaayomoma witi Kaisarea Filipi, ni Sia meligau wia sé pahtuzu'en-Na, “Kuan né tou, séi si Oki' ni Tou itii?”

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Markus 8:38

Pahpaan im wia sé tou zéi'kan ma'éman wo mahsingkéla' kenu, séi uman si maizang makaulit i mahkii-kiit ni Aku wo pahpaan an ipahkua-Ku, si Oki' ni Tou kangkasii é maizang pahpaan si tou itii, i ni Sia méyé sumaup karia ung kawangko'an ni Ama'-Na kinariamé né malaekat lenas.”

Lukas 12:8

Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Lukas 18:8

Ikua-Kuma wia ni kamu: ni Sia én zéi'kan mahuré-uré i sumawang ni séra im wana am pahéndo-éndoan néra. Taan, sa si Oki' ni Tou méyé, apa wéwéhampé' sé tou wia ung kaayahan kenu sé ma'éman wia ni Sia?”

Lukas 2:12

Ung kenu u maileken niou: Ni kamu é mamilek si Lowai si kinampil u roko' wo méikolo' witu lontang.”

Lukas 2:16

A séra merewe-reweka mangé witi Betlehem. Maileken néra si Maria, si Yusuf wo si lowai si méikolo' witu lontang.

Lukas 2:7

a sia makaileké si lowai, si oki'na tu'a. Ang kampilennala si lowai itii karia u roko' an ikolo'nala witu u lontang, pahpaan ni séra én zéi'kan méikailekla walé in tulian.

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Lukas 8:3

Wo si Yohana si mahayo ni Khuza. Si Khuza kenu én tonaas né mahpaayang witi istana ni Herodes. Wéwéhan kasii si makangaran Susana wo lakez sé wéwéné walina. Sé wéwéné itii é mahsawang si Yesus wo sé pahtuzu'en-Na karia an zoit néra.

Lukas 9:58

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 12:34

A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”

Yohanes 13:31

I si Yudas nimangémo a si Yesus kumua, “In tarékan si Oki' ni Tou ém pahloozen wo pahsigi'en, wo si Opo Empung ém pahloozen wo pahsigi'en mengiité ni Sia.

Yohanes 3:13

Zéi'kan siapa zozo' in esa si tou si nimahpené-penékoma witi kasendukan, akaz uman ni Sia si timumpamé im witi kasendukan, ni Siamo si Oki' ni Tou.

Yohanes 3:14

Wo tanu si Musa timoozla si ulé' tambaga am wangunen witu un tektek rakék witi kapelasan, téntu kangkasii si Oki' ni Tou én itooz né tou witu u salip,

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 6:53

A si Yesus kumuala wia ni séra, “Uli-ulit ikua-Kuma wia ni kamu, sa ni kamu zéi'kan kuman un awak ni Oki' ni Tou wo melep un zaha'-Na, ni kamu én zéi'kan uli-ulit menou-nou.

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

Kisah Rasul-rasul 7:56

Ang kuana, “Ilekena! Ni aku é mahileka u langit nimawuka wo si Oki' ni Tou si rimendai witu ung kakan ni Opo Empung.”

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.