Matius 8:15 - Taaz Weru Witu u Nunuwu'en Tombulu

¹⁵ Tionala ni Yesus u lengenna a mazéi'ma um pasu'na. Ni sia tumoozé a masumelewir si Yesus.

Matius 8:15 ပူးပေါင်းရင်းမြစ်များ

Matius 14:36

Ni séra é mahaléi wia si Yesus in énéané zozo' uman i sumahiza witu u rawisna ung karai tonton-Na. Péléng sé tou simahiza u rawisna ung karai tonton-Na é nimalé'os.

Matius 20:34

A mawiamé u raraatéan ni Yesus wia ni séra. An irasak-Nama u lengen-Na wana am weren néra zua, in toro niitukan ni séra én toromo mahilek, a séra kumiit si Yesus.

Matius 8:14

A si Yesus mangé witi walé ni Petrus. Im witu, ileken-Nala si mahnuang wéwéné ni Petrus é meneke-nekelokan pahpaan im pasu'.

Matius 8:16

I mawengimo lakez sé tou sinelazan né sétang méipahwalimé wia si Yesus. Ni Sia makasa uman nimuwu'ma i nimohoma sé sétang itii wo i limé'osa péléng sé tou saki.

Matius 8:3

A si Yesus tumiona wia si tou itii, ang kumuama, “Ni Aku ém paaz, malé'osoma.” In toro niitukan, si tou tinoro ung kusta itii é nimalé'osa.

Matius 9:20

Karegas séra i mahlampang wéwéhan si wéwéné si mapulu' wo zuana ta'uno zézéha im pahondolan. Ni sia é rimétéla witu u muri ni Yesus a sumahiza u rawisna ung karai tonton ni Yesus.

Matius 9:29

An irasaka ni Yesus u lengen-Na wana am weren néra zua ang kuan-Na, “Mamualima tanu um pa'émanen niou.”

Markus 1:29

Kaiondolé im witu um walé peraragésan né tou Yahudi, a si Yesus karia ni Yakobus wo ni Yohanes mangé witi walé ni Simon wo ni Andreas.

Markus 1:41

A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.”

Lukas 8:54

An tionala ni Yesus u lengen ni kooki' itii, ang kuan-Na, “É kooki', tumoozomé!”