Matius 7:7 - Taaz Weru Witu u Nunuwu'en Tombulu

⁷ Kuano kasii ni Yesus, “Mahaléila, ni kamu ém wéhan. Menérola, ni kamu é makailek. Tuméngkorla, ni kamu ém wukaan um pepenet.

Matius 7:7 ပူးပေါင်းရင်းမြစ်များ

Matius 18:19

Wo kasii ikua-Kuma wia ni kamu: Sa sé tou zua im wia ni kamu wia ung kaayahan kenu nimaesaan i mengaléi, um pahaléien néra itii én énéan ni Ama'-Ku si witi kasendukan.

Matius 21:22

Apa uman am pahaléien niou witu um pengaléien karia in uli-ulit ma'éman, niitu é makailekan niou.”

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Matius 7:11

Niitumo, sa kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé am wangun wia sé tou mahaléi wia ni Sia.

Matius 7:8

Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

Markus 11:24

Niitumo ikua-Kuma wia ni kamu: Apa uman um pahaléien niou witu um pengaléien wia si Opo Empung, pa'émanela i niitu éng kinailekan niouo, karia in téntu am pahaléien niou itii é makailekan niou.

Lukas 13:25

Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 15:7

Sa kamu nimaesa karia-Ku wo a nuwu'-Ku ém witu un até niou, mahaléila apa uman ung kapaaz niou wia si Ama' wo ni kamu é makailek niitu.

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Roma 3:11

Zéi'kan siapa zozo' in esa si tou mata'u un ulit. Zéi'kan siapa zozo' in esa si mahtututu' i menéro si Opo Empung.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Yakobus 5:15

Sa séra mengaléi karia um pa'émanen, si tou saki itii é malé'os. Si Mahpiara é mangun si tou itii in uli-ulit malé'os, wo sa sia nimangunla a singkéla', ni sia én ampungan.

1 Yohanes 3:22

wo apa uman am pahaléienta wia ni Sia éng kailekanta, pahpaan ni kita é mahkiit péléng am perénta-Na wo mahlé'os péléng ang kapaaz-Na.