Matius 7:29 - Taaz Weru Witu u Nunuwu'en Tombulu

²⁹ pahpaan ni Sia i mahtuzu' ni séra éng karia ung kawasa, zéi'kan tanu sé tou tulap un Torat.

Matius 7:29 ပူးပေါင်းရင်းမြစ်များ

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Matius 5:28

Taan in tarékan ni Aku éng kumuama wia ni kamu: Séi uman si mahilek si wéwéné wo totozo paaz i sumamek kariana, si tou itii é mahsameko karia ni wéwéné itii witu un aténa.

Matius 5:32

Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, si mahayona itii ém winangunnamola i mahsamek. Wo séi si kumawéngla si wéwéné tina'sala itii, ni sia kangkasii é mahsamek.”

Matius 5:44

Taan in tarékan ikua-Kuma wia ni kamu: Irara- atéla sé kakoro' niou wo ipengaléila sé tou mahzézéha ni kamu.

Matius 7:28

I simampetoma si Yesus i mahtuzu', sé tou lakez itii é mengusi-ngusingsing in timalingama am pahtuzu'-Na,

Matius 8:1

I si Yesus nimerosomé im witi kimeleng, lakez sé tou nimahtotondongané mahkiité ni Sia.

Lukas 20:8

Si Yesus kasii kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun niana.”

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Kisah Rasul-rasul 6:10

Taan ni séra zéi'kan makawawa i mahzéi-zéi'an karia ung katulapanna wo si Roh Lenas nimangun si Stefanus makawawa i mahnuwu'ma wia ni séra.